Video
Read full review
2017-11-22
3062 views
早前同朋友去過Chef Stage de Eddy Chu同埋西餐大排檔，都對呢兩間餐廳既食物念念不忘，最近見到呢度晚上八點半後入座可享全單85折優惠，就趁住去完大型百貨公司大減價購物後同朋友黎食飯啦。呢間餐廳叫Chef Stage de Eddy Chu, 顧名思義，就梗係由老闆兼總廚既Eddy Chu坐鎮主理架啦。晚上八點半左右黎到，餐廳都唔算太多人，唔會好嘈。乳酪鮮蝦芒果雜菜沙律 ：沙律菜非常新鮮，鮮蝦肉質彈牙，加埋芒果同入口即爆又帶少少荔枝味嘅珍珠真係相當有口感。有別於一般嘅沙律，呢度冇用到沙律醬，反而用咗乳酪，咁嘅做法味道會差唔多，但係脂肪含量肯定低啲。大大隻蝦多士：有別於其他地方食到既迷你蝦多士，呢度既蝦多士真係超級巨型，麵包上面加入蝦之後沾上炸粉炸成既蝦多士，上檯時熱辣辣，入口外酥內軟，啖啖都食到蝦肉，好彈牙，沾埋帶有少少冬蔭公味既醬汁，感覺非常新奇。伴碟有少量既沙律，食完油膩既蝦多士食返少少沙律，真係份外清新。白酒煮活蜆：白酒加左蒜頭做湯底，再加入大大粒既蜆肉去煮。湯底雖然偏鹹，唔建議大家飲，但係蜆肉並無脫殻，唔需要係湯底度搵蜆肉食。黑松露蘑菇湯：蘑菇打碎後加入黑松露煲
呢間餐廳叫Chef Stage de Eddy Chu, 顧名思義，就梗係由老闆兼總廚既Eddy Chu坐鎮主理架啦。晚上八點半左右黎到，餐廳都唔算太多人，唔會好嘈。
乳酪鮮蝦芒果雜菜沙律 ：沙律菜非常新鮮，鮮蝦肉質彈牙，加埋芒果同入口即爆又帶少少荔枝味嘅珍珠真係相當有口感。有別於一般嘅沙律，呢度冇用到沙律醬，反而用咗乳酪，咁嘅做法味道會差唔多，但係脂肪含量肯定低啲。
大大隻蝦多士：有別於其他地方食到既迷你蝦多士，呢度既蝦多士真係超級巨型，麵包上面加入蝦之後沾上炸粉炸成既蝦多士，上檯時熱辣辣，入口外酥內軟，啖啖都食到蝦肉，好彈牙，沾埋帶有少少冬蔭公味既醬汁，感覺非常新奇。伴碟有少量既沙律，食完油膩既蝦多士食返少少沙律，真係份外清新。
白酒煮活蜆：白酒加左蒜頭做湯底，再加入大大粒既蜆肉去煮。湯底雖然偏鹹，唔建議大家飲，但係蜆肉並無脫殻，唔需要係湯底度搵蜆肉食。
黑松露蘑菇湯：蘑菇打碎後加入黑松露煲成嘅湯，香氣撲鼻，味道相當濃郁，入口時食到細細粒嘅蘑菇碎，非常有咬口。
忌廉鮑魚冬蔭海鮮湯：估唔到係西餐廳都會試到冬蔭公海鮮湯，呢個湯雖然係泰式，但係加入咗cream之後都有少少西式風味。最大驚喜係配料方面有鮑魚，帶子同埋蝦，鮑魚唔單止大隻，而且仲好爽口添。
雜菜薯仔煙豬腩燴法國鴨髀 ：鴨髀入口軟身，醃得都算幾入味，配菜有大量雜菜，紅蘿蔔，蘑菇同埋車厘茄等等，令到成個主菜顏色非常鮮艷，相當吸引。
紐西蘭蟶子配米酒白汁扁意粉：米酒加埋白汁整成嘅意粉，入口相當creamy, 配料有車厘茄，蘑菇同埋蟶子。可能因為碟意粉顏色比較單調，所以廚師用咗蟹子喺面頭做裝飾，令到碟意粉顏色更加鮮艷，賣相更吸引。
呢間餐廳非常之有情調，食物同服務質素都唔錯，都幾適合情侶黎食飯談心。
Post
