Green Orange

上次來原來是一年前了，還記得果日食嘅酥脆香草碎果仁焗羊架的驚喜。好想再食呢！侍應生好有禮貌招待，探過熱和搓手液後，睇下menu上好似多咗其他美食款式，look 下 look下，好開心呀！原來有羊架呢！再食再食，最開心係加$88可轉套餐，有餐湯 雜菜沙律 甜品 咖啡或茶，太豐富了，不用諗太多就照舊好了。前菜有自家製麥包，牛肝菌椰菜花忌廉湯和沙律菜。牛肝菌超濃郁再配椰菜花忌廉就更濃香啊！熱辣辣入口，正到不得了。用牛奸菌配搭好特別，再加椰菜花 打溶讓整個湯更濃郁，不一樣嘅湯呢！讚👍酥脆香草碎果仁焗羊架~~賣相依然好吸引，成隻羊架鋪滿晒好多碎果仁，未進食已經聞到陣陣碎香果仁，羊架肉汁juicy 入口軟淋淋，熟度啱啱好，就是喜歡這味道。燒西班牙黑毛豬架~~見到有幾台客人都有點黑毛豬，其實也都是我另一喜愛食呢！😁😁好大塊黑毛豬斧頭扒啊！肥瘦適中肉汁juicy 本人覺得不用點任何醬汁進食更香，入口香脆，好滿足。最後椰子撻甜品再配一杯熱咖啡真是perfect喇。