段純貞牛肉麵 (NINA MALL 1)

Open Now

Now Closed

3年前食過一次段純真，已經覺得好好食。今日再一次特登去食，未夠7點去到，竟然唔駛排隊，可能同場有太多選擇，包括台式火鍋。今日食左原味牛肉麵（細麵)，涼拌小青瓜，愛玉蜂蜜西檸特飲。揀原味牛肉麵既原因係諗住唔辣，menu寫住紅燒有一隻辣椒，所以唔敢試。但食食下，發現都有啲辣。牛肉湯好濃，唔同一般牛肉湯比較多味精，不過帶有辣味，所以飲唔到太多。牛肉夠淋，一啲都唔“痴牙”。而且有啲筋位，連牛肉一齊食，口感好好。涼拌小青瓜偏咸左啲，淡返啲會更好。愛玉蜂蜜西檸特飲好香蜂蜜味，唔會太甜，每啖都食到愛玉粒，好fresh。今日食既牛肉麵同3年前食既大緻都差唔多，冇退步。