Video
Read full review
2005-08-08
6 views
7/8/2005 $160 另加一我想黎呢度食Dessert Buffet 好耐啦! 尋晚終於第一次品嘗到呢度出晒名既甜品buffet! 不過確實有啲名過於實，因為有好多嘢都過甜！當然，顧名思義，甜品係應該甜既，但係現代人對於甜品既要求己經開始變得偏向喜歡”無咁甜”既甜品，我諗好多人都認同！不過，我同我既朋友們都食得好開心，第一次黎，book咗枱，有好舒服既梳化位坐，正！甜品款式同種類相當多：1. Chocalate Fountain 好正，又可以食生果，又可以食朱古力；2. Tiramisu 唔錯，不過酒味好似唔太濃；3. 木糠布甸就略甜，可能係自己唔記得撈暈至食，食上面啲木糠就唔甜，食到下面就好甜；4. 綠茶紅豆蛋糕，入面居然有椰絲，我自己最唔鍾意食有椰絲既嘢．．． 好失望；5. 楊枝金露，本來我好鍾意食呢個甜品，點知又係有椰子味．．． 好唔開心；6. 芒果疏乎厘，好甜，食咗一半冇再食； 7. 芒果忌廉蛋糕，雖然好普通，但係算好味；8. Truffle Cake，唔知點解見唔到有人讚呢個，但係我自己全場最鍾意就係呢個，好食得好緊要，又唔太甜，本來想再黎多round，點知冇再出，真係
我想黎呢度食Dessert Buffet 好耐啦! 尋晚終於第一次品嘗到呢度出晒名既甜品buffet! 不過確實有啲名過於實，因為有好多嘢都過甜！
當然，顧名思義，甜品係應該甜既，但係現代人對於甜品既要求己經開始變得偏向喜歡”無咁甜”既甜品，我諗好多人都認同！
不過，我同我既朋友們都食得好開心，第一次黎，book咗枱，有好舒服既梳化位坐，正！甜品款式同種類相當多：
1. Chocalate Fountain 好正，又可以食生果，又可以食朱古力；
2. Tiramisu 唔錯，不過酒味好似唔太濃；
3. 木糠布甸就略甜，可能係自己唔記得撈暈至食，食上面啲木糠就唔甜，食到下面就好甜；
4. 綠茶紅豆蛋糕，入面居然有椰絲，我自己最唔鍾意食有椰絲既嘢．．． 好失望；
5. 楊枝金露，本來我好鍾意食呢個甜品，點知又係有椰子味．．． 好唔開心；
6. 芒果疏乎厘，好甜，食咗一半冇再食；
7. 芒果忌廉蛋糕，雖然好普通，但係算好味；
8. Truffle Cake，唔知點解見唔到有人讚呢個，但係我自己全場最鍾意就係呢個，好食得好緊要，又唔太甜，本來想再黎多round，點知冇再出，真係好正；
9. 青檸雪芭，呢個我都好鍾意，食到飽飽地既時候食杯雪芭隔一隔個胃，又可以再黎過，酸味味咁真開胃；
10. 梅子芝士蛋糕，諗住個名幾特別，咪試下囉，點知怪怪地咁．．． 下次都係唔好亂咁試。=P
我只係大概記得以上呢啲，有啲唔記得名而又太甜既，唔寫喺度都冇緊要啦，反正好多人都會盡量試暈晒啲美食至走架啦！
尋晚食飽飽之後，仲同朋友們由10:00坐住傾偈到零晨1:30am，嗰度既酒店職員都話我哋可以繼續坐，好開心！！總括而言，雖然冇乜驚喜，但係都好值得黎一次！
Post