Video
Read full review
2022-12-15
3838 views
全港最高最離地102樓米芝蓮二星中菜🤩天龍軒📍尖沙咀柯士甸道西1號環球貿易廣場(ICC)香港麗思卡爾頓酒店102樓「能暫時懷念某種老朋友，不過未能共享一葉舟，彼此都處身洪流如何掙扎沉浮」#某種老朋友 #林家謙 又嚟到十二月忙住買禮物約飯局嘅日子，唔少朋友都會準備去旅行或者預定節目，難得可以約到一班朋友出嚟食個飯當然就Book間好嘅餐廳，今次就揀咗Ritz-Carlton嘅天龍軒，全港最高最離地嘅米芝蓮二星中菜，我提早兩星期左右預約星期六日，6點入座有幸獲安排坐到窗邊位置，欣賞到日落靚景兼飽覽昂船州青衣一帶嘅海景。-窩貼大蝦多士(4件) $33/1 4.2/5 ⭐️ 米芝連二星嘅服務水準理想當然地好，見我地一行四人，主動提議幫我地按人頭order窩貼大蝦多士，每人一份，大蝦多士非常鬆脆，入口蝦肉飽滿彈口有鮮味，仲可以配埋甜酸醬一齊食，開胃小食嚟講好推薦。-蜜燒西班牙黑豚肉叉燒(一份) $400 4.4/5 ⭐️我自己去到每一間米芝蓮中菜一定會點嘅就係叉燒，叉燒需要提前預訂，之前做過功課係天龍軒係用西班牙黑毛豬去燒，好多朋友都讚不絕口，叉燒上枱肥瘦均勻不在話下，色澤亮麗帶些少焦脆，入口肉質軟
天龍軒
📍尖沙咀柯士甸道西1號環球貿易廣場(ICC)香港麗思卡爾頓酒店102樓
「能暫時懷念某種老朋友，不過未能共享一葉舟，彼此都處身洪流如何掙扎沉浮」
#某種老朋友 #林家謙
又嚟到十二月忙住買禮物約飯局嘅日子，唔少朋友都會準備去旅行或者預定節目，難得可以約到一班朋友出嚟食個飯當然就Book間好嘅餐廳，今次就揀咗Ritz-Carlton嘅天龍軒，全港最高最離地嘅米芝蓮二星中菜，我提早兩星期左右預約星期六日，6點入座有幸獲安排坐到窗邊位置，欣賞到日落靚景兼飽覽昂船州青衣一帶嘅海景。
-窩貼大蝦多士(4件) $33/1 4.2/5 ⭐️
米芝連二星嘅服務水準理想當然地好，見我地一行四人，主動提議幫我地按人頭order窩貼大蝦多士，每人一份，大蝦多士非常鬆脆，入口蝦肉飽滿彈口有鮮味，仲可以配埋甜酸醬一齊食，開胃小食嚟講好推薦。
-蜜燒西班牙黑豚肉叉燒(一份) $400 4.4/5 ⭐️
我自己去到每一間米芝蓮中菜一定會點嘅就係叉燒，叉燒需要提前預訂，之前做過功課係天龍軒係用西班牙黑毛豬去燒，好多朋友都讚不絕口，叉燒上枱肥瘦均勻不在話下，色澤亮麗帶些少焦脆，入口肉質軟嫩，啖啖肉嘅口感非常滿足，個人嚟講會比較鐘意大班樓個第一刀，多返少少咬口質感同更有焦香感，但天龍軒係我心目中香港叉燒排行榜中都係排名頭三嘅水準。
蜜燒西班牙叉燒
241 views
0 likes
0 comments
片皮烤鴨(一隻) $928 4.1/5 ⭐️
主菜方面我地都提前預留咗一隻片皮鴨，侍應會預先幫我地分好片皮鴨，然後同時放上兩籠餅皮同兩碟片皮鴨，頭幾塊都仲keep到皮脆肉嫩，餅皮同醬汁正常水準發揮，可惜之後已經做唔到保溫效果，出現油膩感，老實講天龍軒嘅依道菜有少少失望，對比龍景軒侍應會幫客人每食完一件片皮鴨再換上另一件，個用餐體驗有太大對比。
片皮烤鴨
146 views
1 likes
0 comments
巨峰提子煎牛柳 $298 4.1/5 ⭐️
另一道我地叫咗牛柳，一粒粒巨蜂提子伴碟係牛柳隔離，雖然望落賣相偏油膩，但相反地巨峰提子嘅酸甜中和返牛柳嘅油膩感，而牛柳入口軟稔，一咬即開，而且仲保留到肉汁同牛味，都唔錯。
巨峰提子煎牛柳
65 views
1 likes
0 comments
炸釀鮮蟹蓋 $368 4.3/5 ⭐️
另一道去到中菜廳好鐘意叫嘅就係炸釀鮮蟹蓋，天龍軒嘅炸釀鮮蟹上枱見到金黃酥脆，用料豐富啖啖蟹肉，蟹肉用鮮奶混和保持鮮甜可口，唔會太油膩，而且混入咗洋蔥增加口感，水準好好。
炸釀鮮蟹蓋
95 views
0 likes
0 comments
豆豉黃金菇炒蟶子王 $248 4.1/5 ⭐️
另外叫咗個蟶子王食下，蟶子鮮甜彈牙，正常水準發揮。
豆豉黃金菇炒蟶子王
82 views
0 likes
0 comments
楊枝甘露 $98 4.2/5 ⭐️
由於食完成隻片皮鴨大家都比較膩，所以都叫咗碗糖水清一清，楊枝甘露用料都豐富，甜度適宜，最重要夠冰凍解喝。
31 views
0 likes
0 comments
-
總結:天龍軒貴為米芝連二星中菜餐廳，坐擁全港超高層靚景，餐廳設計亦十分有心思，用餐環境無可挑剔，服務水準亦十分好，唯一少少可惜就係個別食物未到令人驚喜嘅水準，仲可以有進步空間。
39 views
0 likes
0 comments
====
#天龍軒#摘星之旅#香港麗思卡爾頓酒店#TheRitzCarltonHK
#尖沙咀美食#圓方#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食
#蜜燒西班牙黑豚肉叉燒#炸釀鮮蟹蓋#片皮烤鴨#窩貼大蝦多士
====
Post
