Video
Read full review
2022-07-03
329 views
好耐之前嚟過Hotel Icon Green食過下午茶，嗰陣時已經覺得好高質，有好好嘅印象。今次就試下佢哋嘅全新「盛夏繽紛水果三重奏」下午茶🍓🍋 有別於一般嘅tea set，佢哋嘅鹹點係以前菜同自選主菜代替，甜品仲有心思係不同嘅水果造型，非常吸睛！😍前菜有法式龍蝦湯同法式龍蝦芒果沙律🦞 龍蝦湯真係落足料飲落勁濃郁！本身我以為龍蝦芒果沙律係會將啲龍蝦切到好碎加埋芒果就係，點知係一舊好大有成隻手掌咁長嘅龍蝦肉，仲有成杯芒果肉，份量十足又開胃！主菜我哋就揀咗阿根廷草飼牛柳同焗盲鰽，份量細細地啱曬女仔過下口癮然後再食甜點🤤 牛柳厚身得嚟都幾juicy，黑松露薯蓉勁香同creamy😋 可能我本身唔太鍾意食魚所以覺得個魚還好～甜品方面真係滿足到我甜品控嘅所有要求🥰 首先就咁睇個樣都睇得出花咗好多花思，勁靚！另外每一舊甜點嘅味道都好突出，完全可以還原到嗰樣水果嘅味道，好味之餘又啱曬打卡！之前試過食其他大酒店嘅tea啲甜點勁似藥水味，但呢度完全冇👍🏻6件甜點入面我最鍾意同覺得最特別嘅係椰子布甸同火龍果macaron🤩以呢個價錢食到咁多樣食物真係幾抵，重點係真係好食唔會伏，佢哋嘅水準真係咁多年都keep
前菜有法式龍蝦湯同法式龍蝦芒果沙律🦞 龍蝦湯真係落足料飲落勁濃郁！本身我以為龍蝦芒果沙律係會將啲龍蝦切到好碎加埋芒果就係，點知係一舊好大有成隻手掌咁長嘅龍蝦肉，仲有成杯芒果肉，份量十足又開胃！
主菜我哋就揀咗阿根廷草飼牛柳同焗盲鰽，份量細細地啱曬女仔過下口癮然後再食甜點🤤 牛柳厚身得嚟都幾juicy，黑松露薯蓉勁香同creamy😋 可能我本身唔太鍾意食魚所以覺得個魚還好～
甜品方面真係滿足到我甜品控嘅所有要求🥰 首先就咁睇個樣都睇得出花咗好多花思，勁靚！另外每一舊甜點嘅味道都好突出，完全可以還原到嗰樣水果嘅味道，好味之餘又啱曬打卡！之前試過食其他大酒店嘅tea啲甜點勁似藥水味，但呢度完全冇👍🏻6件甜點入面我最鍾意同覺得最特別嘅係椰子布甸同火龍果macaron🤩
以呢個價錢食到咁多樣食物真係幾抵，重點係真係好食唔會伏，佢哋嘅水準真係咁多年都keep到一樣咁好，真心推介大家可以一試，快啲bookmark！
Post
