Video
Read full review
2022-01-15
3622 views
Honbo 大家如果有留意我嘅post，就知我其實好鐘意食burger，有陣時會一個禮拜會食兩次，而呢間亦係我一直都想去嘅，又被稱為全港第一burger🧐。 而我食完之後，我覺得的確係高質嘅，但就唔知係唔係全港第一burger🤔。 Honbo位於灣仔日月星街，老闆原本係位醫生，但決定辭去穩定收入，開Burger店。好多人都覺得佢呢個決定好笨，但而家擁有四間分店嘅佢，證明佢當日賭注係冇錯嘅👍。 店舖環境狹窄，以藍白色為主調，坐喺出窗外又有種外國風情，內裏格局灰喑，以一個紅色嘅霓虹燈點亮，我個人認為不太討好，影相又影得唔靚，所以大家就將就吓啦😅。 食物選擇一眼睇哂，都係牛肉漢堡為主，但牛肉有得揀唔同嘅份量同Size，有厚有薄，平日午市有得叫套餐，有薯條/蕃薯條揀，另收加一。而呢度所有野都係自家製🤩。 Honbo$98(set w/sweet potato fries & coke zero$40) 賣相就幾普通，而份量都佢偏細，饀料唔算多，一口size，而食物定位都徘徊係$100左右，而套餐要加$40，性價比真係徧低🤨。 據說麵包同平時嘅brioche唔同，呢隻係湯種麵包，我個人對麵包係好
大家如果有留意我嘅post，就知我其實好鐘意食burger，有陣時會一個禮拜會食兩次，而呢間亦係我一直都想去嘅，又被稱為全港第一burger🧐。
而我食完之後，我覺得的確係高質嘅，但就唔知係唔係全港第一burger🤔。
Honbo位於灣仔日月星街，老闆原本係位醫生，但決定辭去穩定收入，開Burger店。好多人都覺得佢呢個決定好笨，但而家擁有四間分店嘅佢，證明佢當日賭注係冇錯嘅👍。
店舖環境狹窄，以藍白色為主調，坐喺出窗外又有種外國風情，內裏格局灰喑，以一個紅色嘅霓虹燈點亮，我個人認為不太討好，影相又影得唔靚，所以大家就將就吓啦😅。
食物選擇一眼睇哂，都係牛肉漢堡為主，但牛肉有得揀唔同嘅份量同Size，有厚有薄，平日午市有得叫套餐，有薯條/蕃薯條揀，另收加一。而呢度所有野都係自家製🤩。
Honbo$98(set w/sweet potato fries & coke zero$40)
honbo
$98
148 views
0 likes
0 comments
賣相就幾普通，而份量都佢偏細，饀料唔算多，一口size，而食物定位都徘徊係$100左右，而套餐要加$40，性價比真係徧低🤨。
據說麵包同平時嘅brioche唔同，呢隻係湯種麵包，我個人對麵包係好講究嘅(睇返我之前burger食評都知，而外國好多youtuber e.g.joshua weissman 都鼓勵自製漢堡麵包)而呢度嘅包就滿足到我🥰。
麵包面頭有D氣泡，中間有烘過，避免burger變濕。口感蓬鬆，軟熟又略帶嚼勁，徧向淡口，冇乜牛油香，但就有輕微嘅麵粉香，的確係唔錯👍。(但我個人都係徧好一般香濃鬆軟嘅包😅)
honbo
$98
106 views
1 likes
0 comments
漢堡扒嘅做法特別，將4oz 嘅肉量分成兩片薄切漢堡扒，用鐵板壓實個肉(估計)，拎佢有層焦香咗嘅crust，帶來脆口。肉粒鬆散，質感少似係'肉粒'，又唔係平時咁一大舊，呢度主要都係食返佢嘅肉味，冇乜多餘調味
喺牛扒煎緊嘅時候，已放入芝士(估計)，拎佢熱溶滲透於肉中，令芝士成為“牛扒嘅肉汁”，令牛扒變得油潤又有陣奶香，係好獨特嘅體驗😯。
醬汁係蛋黃醬，香滑酸甜，均衡分布於其中，同肉/包/芝士係一個好好嘅配搭。配菜有沖洗過嘅洋蔥，爽口而唔“喇”。少少酸瓜，而且冇我最增嘅蕃茄😲。(令burger包變汁同淡口)
炸蕃薯條
sweet potato fries
64 views
1 likes
0 comments
份量好多，而且切得好厚，形狀又唔係對稱嘅，睇得出係手切🤣。炸嘅時間剛好，外層金黃香脆，內裏綿密軟糯，香甜可口，但又未到「黎到呢度必叫」嘅程度，而且我認為外層額外灑上嘅糖令佢有陣唔自然嘅甜味，我就唔係太鐘意🤨。
Post
