Video
Read full review
2017-01-10
212 views
之前有個朋友同我講話呢間居酒屋有「吉列牛柳」食，吉列魚柳、吉列豬排就食得多啫，從來都未聽過話有「吉列牛柳」😱今晚終於的起心肝唻試下。 一入到去就發現呢度啲燈唔係太光，有少少浪漫嘅氣氛😃 牆上面有啲畫。 酒吧上面嘅架擺咗啲酒。 除咗牛肉之外，呢度其實都有其他嘢食，睇落都唔錯，不過嗰啲都係下次先至試啦…… 噉就叫咗個「牛吉列御膳」嘞。 可能我哋今日唻得早，唔使等咗好耐就唻到。侍應話啲牛柳每便燒三十到四十五秒就食得㗎嘑，燒得太耐會好韌，亦都講解下每種醬料係啲乜嘢唻，跟住就同我哋點着個石爐嘞。 前菜有椰菜沙律，同埋龍蝦薯蓉，雖然係細細粒，不過啲薯仔味好香，凍凍哋，幾好食，啲龍蝦味唔會太濃，都算係幾大粒，冇搶到薯仔啲味。 個面豉湯熱辣辣，而且又唔會好似其他舖頭噉搏命落味噌，所以就唔算好鹹，幾好味😋 個set重有個溫泉蛋，我睇《深夜食堂》見啲食客都係將啲蛋faak勻就倒落去啲飯度食，噉我咪照跟囖，不過就倒得多得滯，唔記得留返†少少愛唻點牛柳食……🙁不過有啲人就驚呢樣驚嗰樣，驚乜鬼吖，細細個食滒蛋牛肉飯隻蛋都係生㗎啦，啲蛋重要係大陸蛋，咪又係照食😂 不過唔知係咪我之前食個前菜食得
之前有個朋友同我講話呢間居酒屋有「吉列牛柳」食，吉列魚柳、
吉列豬排就食得多啫，從來都未聽過話有「吉列牛柳」😱今晚終於的起心肝唻試下。
一入到去就發現呢度啲燈唔係太光，有少少浪漫嘅氣氛😃 牆上面有啲畫。
酒吧上面嘅架擺咗啲酒。
除咗牛肉之外，呢度其實都有其他嘢食，睇落都唔錯，不過嗰啲都係下次先至試啦……噉就叫咗個「牛吉列御膳」嘞。
可能我哋今日唻得早，唔使等咗好耐就唻到。侍應話啲牛柳每便燒三十到四十五秒就食得㗎嘑，
燒得太耐會好韌，亦都講解下每種醬料係啲乜嘢唻，
跟住就同我哋點着個石爐嘞。
前菜有椰菜沙律，同埋龍蝦薯蓉，雖然係細細粒，不過啲薯仔味好香，凍凍哋，幾好食，
啲龍蝦味唔會太濃，都算係幾大粒，冇搶到薯仔啲味。
個面豉湯熱辣辣，而且又唔會好似其他舖頭噉搏命落味噌，
所以就唔算好鹹，幾好味😋
個set重有個溫泉蛋，我睇《深夜食堂》見啲食客都係將啲蛋faak勻就倒落去啲飯度食，噉我咪照跟囖，不過就倒得多得滯，唔記得留返†少少愛唻點牛柳食……🙁不過有啲人就驚呢樣驚嗰樣，驚乜鬼吖，細細個食滒蛋牛肉飯隻蛋都係生㗎啦，啲蛋重要係大陸蛋，咪又係照食😂不過唔知係咪我之前食個前菜食得太慢，啲飯已經唔夠啲湯咁熱，不過都ＯＫ啦，
我今日係唻食牛，又唔係唻食白飯🤣飯上面有啲木魚絲，味道淡得唻又幾好食。跟住就燒啲牛柳食嘞，我食韓燒嘅時候通常都係隔一陣就反一反，
不過我個朋友就比較嬾惰，真係三、四十秒先至將嚿牛柳反轉，噉我就梗係燒得靚過佢啦😛
啲牛柳外面有層麵包糠，肉身係紅卜卜，睇落去都好新鮮，脂肪分布都好勻旬，切得厚薄適中，而咬落去都好軟熟，
肉汁都唔少，啲筋都唔算太多（不過就唔知點解我個朋友個啲係完全冇筋嘅😠）
啲牛肉味好甘香，應該都算係比較上乘嘅安格斯牛肉。牛柳外面有一層吉列炸粉，燒咗之後脆脆哋，食落好香口😋
佢哋提供咗三款醬汁畀我哋揀，有香濃燒汁、和風芥末，重有一款柚子檸醋，三款都好香，又或者可以點薯蓉旁邊嗰啲七味椒鹽、粗粒山葵同埋柚子胡椒蓉，不過我就最鍾意食和風芥末，食到最尾†嗰陣，我差唔多點晒噉滯。
由於我同埋我個朋友都係慢食之人，所以食到半路個爐啲火就已經熄咗！有個侍應見倒就即刻幫我哋換過一嚿燃料，好彩唔使另外收錢唧😜食下食下突然發現身後嘅食客都愈來愈多……
由於我係唔食菌類嘅關係，啲菇就畀晒我朋友食，佢話幾好食𢰸！
食飽飽就埋單，一個人都係二百文†鬆啲，美國牛柳唻講都算係幾抵食啦！出咗門口，都係七點半倒，不過已經排晒長龍！！！好彩我哋之前訂咗檯唧！
琥酌
太子西洋菜北街159A地下
Post
