Chef's Stage Kitchen (Sai Ching Street)

Open Now

Now Closed

呢間我哋多年嚟一直幫襯。佢哋一直保持高水準，每次都令人滿意！午市套餐有餐湯、沙律，主食有好多選擇，我揀咗香煎盲曹魚配牛油檸檬汁同牛肩胛板腱扒配燒汁，配菜係乾蔥百里香炒薯仔同蘆筍。餐湯南瓜湯好滑，南瓜味香濃，配牛角包好好食；沙律有蘋果、薯仔、沙律菜，醬汁酸甜好味牛肩胛板腱扒煎七成熟，份量好足夠，肉質嫩多汁，配燒汁好好味。香煎盲曹魚，外皮煎到香脆，魚肉鮮嫩。乾蔥百里香炒薯仔，外皮香脆，薯仔味香濃，好食！飲品呢，我哋揀咗熱拖肥薑鮮奶同玫瑰抹茶鮮奶沙冰。熱拖肥薑鮮奶有淡淡嘅薑味，奶味香濃。玫瑰抹茶鮮奶沙冰有獨特嘅花香加抹茶味，冰涼清爽！