Video
Read full review
2020-06-17
5621 views
.搵開黃店嘅時候搵到依間元朗私房菜，睇到佢faceboook page 個FAQ咁多規則，都有少少嚇窒咗，不過最後都係Book咗黎試下😝（想知自己去佢fb page 睇）🤣首先上咗個包先，上面鋪滿曬Parmesan cheese🧀，芝士鹹香味十足，仲可以點油醋同埋連埋parma ham一齊食。重點係個包係熱辣辣同好軟熟，好高質呀🤤然後就到沙律啦，沙律菜好新鮮，仲有好多唔同顏色同好甜嘅蕃茄，混合埋落咗黑醋嘅沙律菜一齊食，好開胃。👍🏻至於個餐湯係蘑菇湯，賣相好似麻麻地，但其實係好好飲🤤。個湯夠熱就基本啦，仲要好creamy 同埋食到啖啖打成蓉嘅蘑菇蓉，口感一流。然後就係全日嘅重點，威靈頓牛柳啦🤩。一上枱已經覺得擺盤好靚。個牛柳有四層：酥皮，parma ham ，菇粒同埋牛柳。其實一切開個牛柳果四層係必然會散開，自己夾返埋一齊食，係好有口感，個酥皮好香唔油，而個牛肉質好鮮嫩又唔膩，真係食到停唔到口🤓。而啲配菜都唔可以睇少，個薯仔有好重牛油味，仲焗到個外皮好脆，真係第一次食到咁好食嘅薯仔🥰。仲有啲碎菇粒同埋兩條甜蘿蔔都唔錯，係個蒜頭嘅蒜味真係有啲重，唔係好啱我食😝。然後就係
搵開黃店嘅時候搵到依間元朗私房菜，睇到佢faceboook page 個FAQ咁多規則，都有少少嚇窒咗，不過最後都係Book咗黎試下😝（想知自己去佢fb page 睇）🤣
首先上咗個包先，上面鋪滿曬Parmesan cheese🧀，芝士鹹香味十足，仲可以點油醋同埋連埋parma ham一齊食。重點係個包係熱辣辣同好軟熟，好高質呀🤤
然後就到沙律啦，沙律菜好新鮮，仲有好多唔同顏色同好甜嘅蕃茄，混合埋落咗黑醋嘅沙律菜一齊食，好開胃。👍🏻
至於個餐湯係蘑菇湯，賣相好似麻麻地，但其實係好好飲🤤。個湯夠熱就基本啦，仲要好creamy 同埋食到啖啖打成蓉嘅蘑菇蓉，口感一流。
然後就係全日嘅重點，威靈頓牛柳啦🤩。一上枱已經覺得擺盤好靚。個牛柳有四層：酥皮，parma ham ，菇粒同埋牛柳。其實一切開個牛柳果四層係必然會散開，自己夾返埋一齊食，係好有口感，個酥皮好香唔油，而個牛肉質好鮮嫩又唔膩，真係食到停唔到口🤓。而啲配菜都唔可以睇少，個薯仔有好重牛油味，仲焗到個外皮好脆，真係第一次食到咁好食嘅薯仔🥰。仲有啲碎菇粒同埋兩條甜蘿蔔都唔錯，係個蒜頭嘅蒜味真係有啲重，唔係好啱我食😝。
然後就係龍蝦汁煎南極魚，個魚皮有少少厚到，煎到好香脆，魚肉都嫩滑，不過個魚就有少少唔熟，不過我相信係意外黎🤣。個龍蝦汁好香濃又唔太鹹，可以當湯飲埋🤤，好滿足。
訂位嘅時候都有問甜品洗唔洗寫字，所以餐廳都知依一餐係慶祝生日嘅。佢哋都好貼心咁準備埋蠟燭同主動幫我哋影相。而甜品就係咖啡朱古力蛋糕，個蛋糕係專登雪耐啲等佢硬身一啲去營造雪糕蛋糕嘅口感，蛋糕面係用咗70%濃度嘅朱古力醬，唔會太甜又唔會太膩，真係好有驚喜。🥰
訂位嘅時候餐廳都會問下我地嘅食量同埋有無食物係唔食，咁我就揀咗正常食量嘅，最後埋單就係每人$1000 唔需要另收加一。而飲品就係到時直接喺雪櫃拎，食完再一次過收錢。最想讚下侍應姐姐，超級好服務態度，都有幫我哋換下碟同清潔乾淨張枱，又好好笑容，每上一道菜都會好清楚咁介紹菜式同食法，令到我哋都食得好滿意。🥰如果問我有咩可以改善嘅話，我會建議佢哋啲碟同碗用曬玻璃會更好。😝 餐廳又兩張高枱，每張可以容納2-3人，仲有個梳化位，都可以坐到6-8人。我地依餐都食咗兩個幾鐘，所以想食就真係要預早book 位啦。
Post
