The Oyster House (Moved) New Location

約咗呢間位於灣仔嘅意大利餐廳食晚飯，餐廳細細，啲枱都擺得幾密下。好彩預先訂枱，因為今晚座無虛席。講返食物，話明Oyster house，點可以唔食蠔。同朋友總共叫咗三款蠔：分別係日本、西班牙、愛爾蘭。日本蠔比較creamy，西班牙蠔好大隻，海水味重啲，朋友話愛爾蘭蠔最好食。全部蠔都好新鮮，完全無蠔殻，開得好好。蜆肉意粉，啲蜆好大隻又無沙，意粉硬度適中，係咸咗啲。巴馬火腿pizza，上面有芝士同埋火箭菜，都幾好味。最後叫咗個心太軟，係流心嘅。值得一題碟邊啲花紋係用朱古力畫出嚟，夠晒心思，成件藝術品咁樣。總括而言呢間餐廳值得一試，推薦佢哋啲生蠔，同埋記得要訂枱。