稚

Open Now

Now Closed

曾經去過日本食過日本定食，好想再回味一次，相約咗朋友一齊去食。今次嚟到元朗，揀咗呢間餐廳-稚。餐廳裝修好特別，融合咗日本漫畫風裝飾。掛係牆上面嘅每一套漫畫基本上我都識。招牌蒲燒鰻魚配烏冬餐廳招牌菜，一定要食！成set入面有前菜同湯跟上，日式前菜非常開胃。薄燒鰻魚配上醬汁，入口香甜，好新鮮，而且一啲魚腥味都冇。配上烏冬一流，煮到烏冬剛剛好，非常有口感！蒜香牛油雜菌炒椰菜份量十足嘅蒜香牛油雜菌炒椰菜！又香又多蒜，炒到十分均勻！呢個配搭亦都做得好好，有口感之餘，用牛油煮出雜菌的鮮香味，值得一試。