蜜庵本膳 (Closed)

尖沙咀 · 「 蜜庵本善 」❣️ 8月既時候同店員講#香港加油 就有雪糕送🤤 一直都好想試，終於試到🤤//1️⃣ 和 Wa ($98):前排有Foodie放咗哩款米粉班戟已經心郁郁想試，結果真係冇介紹錯。依款班戟附有日本產紅豆蓉和沖繩黑糖蜜。班戟你仲可以選抹茶/培茶粉。今次我選擇抺茶粉。首先，班戟既份量比想象中多，依個價錢有咁多舊係有誠意。班戟外層外脆內軟，食落有質感扎實又帶點空氣感，唔會乾珍珍，保持鬆軟質地。抺茶味冇蓋過班戟蛋味香濃。配清甜紅豆，再加黑糖蜜，真係好正🤤黑糖味甘甜再整成蜜，醬變得有質感。班戟右邊有一個味道似培茶既cream，有茶香味但味道又唔會過份厚重，食落唔heavy 👍🏻//2️⃣海膽和風卡邦尼烏冬 ($168):海膽新鮮，口感滑滑的嫩嫩的。雖然海水味唔至於過濃，但如果咸味少d會更好。卡邦尼汁既橄欖油味唔出，似食緊白汁意粉，如果個醬做得更杰身會更好。//3️⃣魅惑桃酒 ($58):桃酒入口苦中帶甜，隨後苦味漸消，甜味漸長，達到回甘效果。//4️⃣美人軟雪糕($38):依款雪糕係餐廳用豆乳配上甘酒(無酒精）等天然材料製成既雪糕。依款甘酒係使用麥芽大米製作，不含酒精所以小朋友都可以食用。