九記牛腩

Open Now

Now Closed

咁啱朋友係附近放工，就決定去食九記九記牛腩一向都係咁出名，好多報紙同雜誌都有介紹...其實之前都來食過好多次，但因為好好食嘅關係，忍唔住來完一次又一次...之前食過牛腩河粉，係有質素嘅！但今次可能太晏去到，河粉已經賣晒，今次唯有食牛腩伊面...牛腩伊面-> 牛腩好林又唔會好肥，伊面好軟身，上湯好香好清一D都唔油膩，但伊面令上湯多左份鹼水味... 比起腩河同腩米，佢個湯就冇咁好飲;P友人就食牛腩米粉-> 佢個上湯更清香，令人忍唔住飲完一啖又一啖!眾多選擇裏面，我都係覚得腩河最好食!另外，個人認為碗麵真係唔算大碗... 對女仔嚟講係夠嘅，但男仔嘅話，可能需要食兩碗先至飽@@價錢方面，真係有啲偏貴，間唔中食下就可以，絕對唔會成日幫襯...環境方面，嗰度地方淺窄，真係都幾迫下... 服務生D服務態度真係麻麻哋...