薔紅

Open Now

Now Closed

已經係第二次去薔紅食中午飯，上次食咖哩雞飯非常好食，份量又多，所以今日又再encore! 今次雖然要排隊，但最後我地獲安排入一間房仔坐，環境舒服好多！房間以「春、夏、秋、冬」命名，好有舊時茶樓房間名稱嘅感覺，懷舊韻味極濃，加上成間房間整體嘅色調都偏向暖色、飽和度高，所以就更加有80-90年代去茶樓、排檔食飯嘅感覺~~上次嚟食野果陣已經覺得個餐牌好多野食，通常未睇完未諗好食咩個伙計已經走過嚟(催)請你落單，不過香港地有邊間茶記唔係咁呢，尤其喺商業區中午時間更加要求「快靚正」文化！話口未完，選擇困難症嘅我焗住揀左個芝士蕃茄焗豬扒飯，以為焗飯要耐啲先上啦，點知轉個頭就送到了，而且仲係熱騰騰架，絕對唔係敷衍你果隻！味道方面，我覺得比起大X樂嘅招牌焗豬更加好食，佢嘅芝士味濃郁得嚟唔會掩蓋到蕃茄嘅香味，豬扒佢已經幫你切碎左，唔使自己額外用刀切開，對客人嚟講真係方便左好多架！！餐飲方面都無令我失望，熱奶茶奶香茶濃，真係有傳統茶記果種絲滑嘅味道，完完全全符合佢懷舊港式茶記嘅風格。價錢方面，中午飯平均消費要$60-$70，比起一般茶記嚟講的確係貴左啲，不過好食係最重要嘅，所以絕對係值回票價架！經過灣仔嘅