殷悅

Open Now

Now Closed

一直都想帶屋企人去間質素高D嘅酒樓飲茶，見依間食評都ok就去試吓~果然好正!全層都係有落地玻璃窗，睇到荃灣靚景~食物方面有驚喜! 屋企人好嘴刁都話啲點心好好食~紫菜蟹柳卷外軟內脆口感好特別，潮洲粉果入面d料好足~仲有好多得意造型嘅點心同甜品！個流心奶黃包整成熊貓樣好趣緻~椰皇金沙燉鮮奶上面竟然有隻熊貓仔，都勁有心思~椰香奶濃入口順滑，細佬妹都勁鍾意食! 仲有個浴缸熊仔楊枝甘露，將D牛奶倒落隻熊仔度幫佢沖涼咁，好味又得意! 總括嚟講依度食品質素高、服務好、坐得又舒服，同埋個人參烏龍茶好正!之後都會帶屋企人再嚟！