Video
Read full review
2019-07-14
887 views
《侍應表演之趕客》今日嗌左幾個送，其中有炸醬拌面 & 菜肉雲吞湯。Order完之後啦，侍應就開始左佢長達三輪ge趕客表演：第一輪：炸醬拌面朋友食左面，淨番好多炸醬同埋肉，之後侍應走過黎想收碟，之後朋友話仲想食埋炸醬，之後侍應走左。後來，朋友食完炸醬放低筷子三秒之後，侍應火速到達現場，以迅雷不及掩耳之勢收走碟子。第二輪：菜肉雲吞湯我食完雲吞，念住飲埋湯，我羹都未攞起，侍應又沖過黎問我仲要唔要。。。我即刻冇曬心情，侍應仲要問我：“你仲想飲埋湯系嘛？”，好啦。。。我唔要。。。如果我唔飲湯ge話，洗乜嗌菜肉雲吞湯，直接嗌雲吞啦。。。搞笑。。。第三輪：食完所有野唔夠兩分鐘，侍應走過黎問我哋加唔加野，唔加就埋單。。。我服。。。（成個過程之中，侍應不斷來回行，起碼五六次，不停想收碟趕人）今日享受左大名鼎鼎ge鼎泰豐啦，總結一下：野食唔系話特別好食，但店大欺客就系真。一間餐廳究竟可以囂張到乜程度，先會容許員工甘樣做。。。我唔系第一個評價“趕客”ge客人，我相信亦都唔會系最後一個。祝你地“生意興隆”。
今日嗌左幾個送，其中有炸醬拌面 & 菜肉雲吞湯。
Order完之後啦，侍應就開始左佢長達三輪ge趕客表演：
第一輪：炸醬拌面
朋友食左面，淨番好多炸醬同埋肉，之後侍應走過黎想收碟，之後朋友話仲想食埋炸醬，之後侍應走左。後來，朋友食完炸醬放低筷子三秒之後，侍應火速到達現場，以迅雷不及掩耳之勢收走碟子。
第二輪：菜肉雲吞湯
我食完雲吞，念住飲埋湯，我羹都未攞起，侍應又沖過黎問我仲要唔要。。。我即刻冇曬心情，侍應仲要問我：“你仲想飲埋湯系嘛？”，好啦。。。我唔要。。。如果我唔飲湯ge話，洗乜嗌菜肉雲吞湯，直接嗌雲吞啦。。。搞笑。。。
第三輪：食完所有野唔夠兩分鐘，侍應走過黎問我哋加唔加野，唔加就埋單。。。我服。。。
（成個過程之中，侍應不斷來回行，起碼五六次，不停想收碟趕人）
今日享受左大名鼎鼎ge鼎泰豐啦，總結一下：野食唔系話特別好食，但店大欺客就系真。一間餐廳究竟可以囂張到乜程度，先會容許員工甘樣做。。。我唔系第一個評價“趕客”ge客人，我相信亦都唔會系最後一個。祝你地“生意興隆”。
Post