Warren (Closed)

今日來到大坑一間優雅法式餐廳，真係好似返番當日波爾多的日子，呢派尋找回憶都只可以留喺香港吖。間餐廳Menu分為3個形式，分别係1. A La Carte menu2. Set menu3. Special menu而我選擇了Menu 1，因今日唔想成set太rich，因此亦更加唔會揀special嘅6 course或7 course，呢D搵日先至來慢慢嘆。『日本刺身帶子配黑魚子及紅加侖子啫喱』，帶子真係超大粒，新鲜，甜味十足，配埋黑魚子更添矜貴，啫喱亦好有特色，仲有伴碟之沙律菜及生果，正。『蟹肉芒果沙律』，今日的第二個前菜就係蟹肉吸引了我哋，廚師精心拆出絲絲蟹肉蟹味十足，為味蕾添上海洋之味，而且蟹肉同埋芒果係放喺一個中式雀巢上邊，好有特色。『龍蝦Risotto』，主菜之一仍然係我鍾意的海鮮～龍蝦，龍蝦腳已去殼，方便食用，而龍蝦身用刀叉亦好容易去到殼。『美國頂級西冷伴焗芝士忌廉Potato』，是今晚唯一非海鮮菜式，同樣哋吸引，首先係約五成熟的西冷够juice，牛味又濃郁，而伴碟也精緻，仲有烤焗酥脆的薯餅配菜令人眼前一亮。好满足的一餐。