龍亭

同事介紹佐敦有間鐵板燒有個廚師發辦套餐，五道菜都只不過係 $588，相當超值。北鹿雪本釀造，秋田縣嘅地酒以優良嘅低溫儲藏技術而聞名，北鹿位處於北秋田郡同鹿角郡之間，故取北、鹿二字而命名，鄰近嘅秋田奥羽山脈被白神山同大山環繞，北鹿雪本釀造喺自然環境中經過低溫發酵精心釀製，口感餘韻獨到雅緻，並具有新鮮水果嘅餘韻，清新嘅口感相信同一陣嘅鐵板燒相當配襯。沙律菜新鮮，有埋菠蘿真係第一次試，以油醋汁調味，相當開胃。鐵板海鮮兩品，有幾款唔同嘅海鮮可以揀，分別係帶子、鮑魚、白鱔同埋東星班。我揀咗白鱔同東星，喺鐵板燒有東星食真係好特別，估唔到東星喺鐵板燒上面都會有咁好嘅發揮，鰻魚油脂豐富，最喜歡佢紮實得嚟彈牙嘅口感。鐵板肉類一品，燒肉就分別有得揀牛或者豬，我揀咗澳洲牛柳粒，入口鬆化，牛味令人滿意，鬆化嘅口感配以蒜片同吃，味道更佳。炒飯，炒飯粒粒分明，見到廚師喺蓆前即席揮毫，相當精彩。甜品，以日本紅豆雪葩作結，美妙。