咖哩葉

Open Now

Now Closed

上兩星期跟朋友去到佐敦裕華百貨買嘢，順便去附近食埋晚飯先返屋企。朋友突然想食印度菜，於是喺OpenRice搵一搵附近有冇出名印度菜就行到嚟呢度啦！入到黎坐，店員唔理你叫咩，即刻送上黑椒脆片，有三種配料沾上食用，食落去脆卜卜，幾香口！兩種醬汁帶少少辣，唔錯唔錯！食印度菜就一定要點Mango Lassi，呢間印度餐廳除咗芒果味，仲有香蕉味、士多啤梨味選擇。朋友點左士多啤梨味讚不絕口！ Veg samosa素菜咖喱角—食落去唔辣，入邊有唔少薯蓉，味道唔差外皮唔厚脆卜卜！Kadhai Paneer印度咖喱蔬菜奶酪呢個同咖喱雞比較，呢個味道比較適合香港人食，帶少少甜。一粒粒嘅奶酪食落去好似豆腐，配合naan食，好易入口，又香！Garlic naan一份三塊（左）食落蒜味足，幾足料，唔會話好薄，足夠兩位女士食。