八幡屋涮涮鍋 (Closed)

屋企人生日，想食涮涮鍋放題，之前試過八幡屋涮涮鍋好唔錯，今晚一於帶佢地一齊去食多次先～位於旺角瓊華中心，鄰近港鐵站，位置都幾方便～主打日式涮涮鍋放題店，任食任飲多款日式涮涮鍋配料、汽水及甜品等，包羅萬有好豐富！今晚我地一行人揀咗C3套餐，大推刺身類，赤蝦口感鮮嫩，爽滑肉質夠哂鮮甜，蝦身仲好大隻添！珍寶帶子厚身彈牙，味道濃郁鮮甜，入口鮮嫩～榮螺口感爽脆，鮮美無比，食落肉質豐腴細膩～壽司類推介肥美三文魚腩，蘊含豐富蛋白質，油潤香甜又爽滑～玉子紮實豐厚，甜滋滋，大人小朋友都鍾意食！火鍋配料推介丸類，款款新鮮彈牙無雪味，可以任食真係大滿足啊～