大滿喜日本料理 (Closed)

今日出左旺角溝嗚，行到又累又肚餓，去左創興搵野食，原本想去食韓燒，咁岩見到樓下睇到招牌有間新既日式放題，睇個價錢都唔貴200內可以接受，８點幾去到等陣幾分鐘就入得，原來呢到開到深夜三點宵夜又多一個好地方。門口光猛企理，地下算幾乾淨，通常放題任食地下都痴"立立"室內坐位算幾鬆動，可能坐卡位既關係冰箱既飲料係任飲架待應講上FB Like或 IG follow佢地就送盅老火湯飲，好彩未送晒仲有得送比我地。算係咁Ｄ料，比我預期中還要多，２隻細飽（唔知幾多頭）罐頭飽照殺，湯個味幾好甜甜地帶少少酸，不過味精味有少少重。樣樣都有任點。只吃了甜蝦部份，夠新鮮無"聲"味鮮甜，正肥牛鍋，一鍋兩片唔夠幾夠喉多幾片就好，個湯酸酸咸咸咁幾好忍唔住再叫多廿隻食鹽燒聲連殼食先會食到蝦殼外粗鹽味，串燒普通。吉列炸蝦夠鬆脆，蝦肉爽口，呢碟已經係第二碟番叫　芝麻雞翼尖都唔錯不過加少少粗鹽個味道應該更加好　食飽飽後出左左拎甜品，意外地有"大腳八"雪條，好多人小時候應該會吃過，有點勾起兒時既回憶，唔食大腳八既仲有其他小杯裝既牛奶公司雪糕，今次飽到差D要比人抬走，埋單位位大約$200。