磯野水產

Open Now

Now Closed

自問係一個"海鮮控"的我，今晚食到的海鮮令我有心滿意足的感覺，食物質素超高，地點又方便，坐位又舒適，店員親切態度更加值滿分。安藝虎 土佐錦 純米吟釀：15%酒精成份，酒味香濃，感覺厚身，真係唔錯。野菜條沙律伴鯷魚醬：店員解說"鯷魚醬"是以多春魚及沙甸魚製成，濃香帶鮮帶鹹，配上青爽的野菜條(沙葛、青瓜等...)，味道剛剛好。北寄貝刺身：鮮甜味美，難以形容，好想再食。鮑魚濱燒：口感煙韌，配柚子胡椒醬感覺特別。蟹濱燒：雪場蟹腳配蟹醋，同樣鮮甜帶少許海水鹹味。時令魚鹽燒：今晚係一條新鮮"笛鯛"，魚肉作為刺身，口感淋淋地，鮮味；魚骨以炸的煮法，好香口有魚味，一邊飲純米吟釀一邊食炸魚骨，正！燒自家製一夜干雞翼：先炸後燒，好香口，肉質滑。柚子雪葩：外觀一流，味道酸酸甜甜，令這餐飯完滿了。