Video
Read full review
2022-06-28
83 views
上星期同朋友慶生， 選擇咗呢一間位於銅鑼灣逸園中心嘅《虎鐵鐵板燒》。 地點就腳又方便， 而且食材又新鮮。一坐低就會遞上咗大大杯嘅《意大利玫瑰花茶》， 花茶用咗 鑽石形玻璃杯盛載著，除咗靚之外，仲非常之保溫。 玫瑰花茶功效繁多， 舒肝解鬱， 補血氣， 消脂瘦身，最啱就係一眾貪靚嘅女仕。我哋選擇咗一個$2880二人餐，有齊咗和牛同海鮮。先嚟嘅係一個清新嘅沙律《 牛油果海蝦沙律》， 牛油果相當之靚， 夠曬油潤而且入口即溶。 海蝦彈牙爽口， 配合埋新鮮醬露筍同粟米仔， 之後嘅鐵板之旅打開序幕。《蟹肉海膽黑松露糖心蛋》， 一聽個名就知道貴氣所在。 流心蛋上面加添咗食用金箔，添上貴氣。 再加咗一抹黑松露，令香氣升級。 海膽同埋糖心蛋裏面嘅蟹肉非常之鮮甜， 海洋嘅氣息注入咗糖心蛋，既鮮甜，同時亦品嚐到蛋香。讚！《火焰北寄貝》 呢度鐵板海鮮， 除咗好食之外亦同樣睇得。 大大隻嘅北寄貝， 肉質鮮甜爽口， 品嚐到海水咸鮮，同時食得出貝類海產的那一份鮮甜味。 喺食之前，待應會將下面的 松柏葉點火， 令到松柏葉的那一種香氣，融入貝類之中。 千萬要記得把最後一口嘅湯汁喝下， 海水味混合咗清酒嘅精華， 讓人印象深
一坐低就會遞上咗大大杯嘅《意大利玫瑰花茶》， 花茶用咗 鑽石形玻璃杯盛載著，除咗靚之外，仲非常之保溫。 玫瑰花茶功效繁多， 舒肝解鬱， 補血氣， 消脂瘦身，最啱就係一眾貪靚嘅女仕。
我哋選擇咗一個$2880二人餐，有齊咗和牛同海鮮。
先嚟嘅係一個清新嘅沙律《 牛油果海蝦沙律》， 牛油果相當之靚， 夠曬油潤而且入口即溶。 海蝦彈牙爽口， 配合埋新鮮醬露筍同粟米仔， 之後嘅鐵板之旅打開序幕。
《蟹肉海膽黑松露糖心蛋》， 一聽個名就知道貴氣所在。 流心蛋上面加添咗食用金箔，添上貴氣。 再加咗一抹黑松露，令香氣升級。 海膽同埋糖心蛋裏面嘅蟹肉非常之鮮甜， 海洋嘅氣息注入咗糖心蛋，既鮮甜，同時亦品嚐到蛋香。讚！
《火焰北寄貝》 呢度鐵板海鮮， 除咗好食之外亦同樣睇得。 大大隻嘅北寄貝， 肉質鮮甜爽口， 品嚐到海水咸鮮，同時食得出貝類海產的那一份鮮甜味。 喺食之前，待應會將下面的 松柏葉點火， 令到松柏葉的那一種香氣，融入貝類之中。 千萬要記得把最後一口嘅湯汁喝下， 海水味混合咗清酒嘅精華， 讓人印象深刻， 回味無窮。
《活鮑魚配蟹肉海苔醬》， 新鮮嘅鮑魚，輕輕香煎， 已經能帶出本生嘅味美。 簡單配搭用蟹肉、 三文魚籽、 同海苔配搭起的醬汁， 簡簡單單已經能帶出食材最新鮮原始嘅味道。
《活龍蝦配海膽醬》， 龍蝦即叫即煮， 龍蝦肉的那一份甜美， 本來就已經很好吃。 加入咗特製嘅海膽醬，以及紫蘇葉的香氣滲入咗龍蝦，更是令層次 昇華到另一境界。 海膽醬加入了龍蝦膏製，鮮美無比，甘香十足。
《日本A5和牛薄燒》， A5和牛油脂分佈平均， 入口即溶 ， 柔潤甘香這些特點已經不用多介紹 。 喺燒好嘅薄切和牛上面 加入咗大量香蔥蒜粒同蒜片， 食起來非常之香口， 惹味非常。 和牛入口即溶， 金蒜增添了一些脆口嘅感覺， 兩者配搭得宜， 可謂全晚其中一道最難忘的菜式。
《黑松露三文魚子海膽杯炒飯》， 上枱嘅時候不禁譁然其分量之大。 整隻杯上佈滿咗新鮮嘅海膽，以及大大粒嘅三文魚籽。 脹卜卜嘅三文魚籽鹹鮮味十足， 海膽份量足又夠曬鮮甜， 配合埋黑松露為味覺帶來更高享受。
最後呢一個暖笠笠嘅《刺身帶子豆腐鯛魚湯》。 奶白色嘅鯛魚湯加入了龍蝦頭來調味，非常之鮮甜， 配合非常滑溜嘅絹豆腐， 以及糖心嘅帶子刺身， 簡直為整頓晚宴劃上完美句號。
甜品《梳乎厘》 沒有令人失望，既有蛋白香， 亦有綿滑嘅口感， 非常fluffy。 配合埋豆腐雪糕一齊食， 絕對令人停唔到口。
Post
