大滿喜日本料理 (Closed)

難我今日放假，就同fd去食放題啦，我地見呢間大滿喜未食過，就黎試下一入去，就見見到有個位放飲品櫃、甜品櫃、熟食同沙律櫃令人好興奮，因為本身好肚餓，等落單既同時我地就可以出黎呢到拎少少野食醫肚先無論係飲品、甜品同冷熱盆，選擇都非常之多！竟然連豆腐花同芒果布丁都有！平時係便利店見到既雪糕櫃，依加都可以任食！唔係等左好耐，我地點既野食都黎哂！因為我同我個fd都唔係點食生野，所以剩係叫左熟食，不過選擇太多，剩係食熟食都食唔哂D串燒上到黎仲係熱辣辣！咬落去好脆口！芝麻雞翼真係我既最愛！表皮炸到好脆，內裡雞肉肉質都好鮮嫩，好滑！呢到可以一片片鰻魚咁叫，好彈牙，平時出去食鰻魚飯好貴，依加可以食個夠食到最尾，緊係衝去diy返個乳酪雪糕，呢到好特別，係提供軟糖做配料，我都係第一次食軟糖雪糕咋味道都唔錯，最主要係d軟糖好食