渝味曉宇重慶老火鍋 (太子集團中心) (Closed)

今日午餐係尖沙嘴又去左食麻辣火鍋，上次試完個皮蛋香草鍋覺得非常清甜，所以就決定今日再食多次呢個湯底。一坐低佢首先會比一碗糖水，對腸胃係有益處，食麻辣鍋嘅時候唔會咁傷。溝醬汁嘅時候我就鍾意落多少少麻油，因為有少少解辣嘅作用。我個人就最鍾意食黑豚腩肉，每一片肉都夠曬肥美，好食到豚肉嘅油香味。美國優質肥牛粒同樣令人滿意，肥瘦分明，而且好容易咬，一粒粒咁好方便食用。食咁多肉當然要叫返少少菜，我就叫咗一份油麥菜，非常新鮮同健康。