S2 Kitchen (Moved) New Location

好朋友知道我鐘意食海膽，特登帶我黎呢度食海膽，首先介紹一下我食過d咩先✌🏻✌🏻十層海膽杯😍每隔一層就有海膽，而且夾雜左三文魚子，松葉蟹肉等既新鮮食材，每食一啖就會食到海膽，真係好好味，鐘意食海膽既朋友一定要試呢個海膽帆立貝牛油果沙律，新鮮沙律菜配以酸酸甜甜的醬汁，令人更加開胃👍🏻櫻花蝦玉子燒，好香既櫻花蝦，兩樣夾埋perfect match☺️清酒鮑魚雞翼，用清酒醃製，鮑魚夾起雞翼中間，食落又幾特別，而且雞翼煎得香口，又唔會掩蓋左鮑魚既鮮甜，值得一讚！三文魚夾餅壽司，呢個配搭幾特別，用餅乾夾埋食壽司，又別有一番風味！海膽燒岩蠔，成個蠔上面都係海膽，真係無得輸😄特色海膽火焰卷，淨係睇店員放火燒已經夠特別😂原來海膽同沙律醬好夾，又唔會搶左海膽風頭👍🏻雲海板上飄，淨聽名都覺得勁😂原來係用乾冰製造煙霧瀰漫既感覺，面條非常彈牙，加埋海膽煙煙韌韌，好有口感👍🏻最後以海膽雪糕🍦作結，我都係第一次甘樣食，海膽鮮味配上雪糕甜味，真係好有諗頭雖然店舖唔算好大，但食物質素非常好，而且店員好有禮貌，每樣食物都會加以介紹，好用心的一間居酒屋