澳洲牛奶公司

Open Now

Now Closed

第一次寫食評,決定揀澳牛開始~~已經幫襯澳洲牛奶公司有三年幾了,每星期總係要去一兩次食早餐,因為真係太好味la~來澳牛當然係食炒蛋~最鐘意就係叫快餐蛋治走油加熱奶茶蛋治既麵包又厚又軟熟,配埋裡面既炒蛋又夠滑,正!本人鐘意走牛油,因炒蛋既蛋汁和油分已經會滲到麵包上,不必另加牛油反而更加可以真正食到濃濃既蛋香,厚厚既蛋治食完仲好飽肚tim最後當然不少得熱奶茶~奶茶夠滑又夠香濃,最鐘意佢奶味夠重,真係好好飲~~(有時都會飲鴛鴦因為都好好飲ga!)吾知點解每次食完澳牛都會有一種好幸福滿足嘅感覺~~快樂就係咁簡單!