至尊滿屋日本料理 (Closed)

第一次星期日午餐食放題，原來呢段時間人流唔係好似平日咁人山人海，作為一個舒適悠悠的午餐地點都不為過，呢間餐廳喺旺角先施樓上，約朋友一定大家都唔會攪錯啦。食物種類由英文字母順序排名，我地落單就變得好輕鬆，但要記住每張單都寫自己嘅枱號同埋人數，呢度有好多嘢食，刺身丶壽司丶手捲丶天府羅丶串燒、燒烤丶小炒丶羊架丶牛舌丶粥丶甜點丶特飲、雪榚應有盡有，喜歡食多少任你挑選，我最喜歡佢地嘅羊架，肉質鮮嫩多汁，好味道，串燒牛舌都好食，夠野味，仲有大蝦刺身，大大隻又夠鮮甜，串燒蝦都好食，肉質彈牙，壽司我較喜歡呢款芝士鰻魚壽司，一次過滿足鰻魚同芝士嘅食慾，今次嘅至愛就係呢款鷄泡魚乾，煙勒香口好味道，今日全餐午餐我飲日本清酒，一邊湛酒一邊飮都幾好玩。