蘇媽.蘇媽馬來西亞茶餐室

Open Now

Now Closed

太耐冇幫襯，依家蘇媽蘇媽平日晚市唔使排隊排餐死，而且仲轉咗QR code落單。成日都覺得自助落單係方便咗員工，但麻煩咗客人嘅產物，同埋落錯單都冇得抵賴🤣講返食物，唔知係我變咗定蘇媽變咗，質素明顯比以往遜色，架央多太乾太脆，多士唔夠熱，架央份量好多，分分鐘係牛油5倍，但覺得只係食醬，唔係食緊多士。沙嗲夠熱，算係保持到水準，但冇乜特別，50幾蚊得3串仲要啲肉咁細粒，其實都唔平。素咖哩配薄餅，個餅仲係好食，係唔知點解個咖哩變咗豆咖哩，同埋啲汁太少了。至於白咖喱麵，基本上個湯底好似飲緊椰汁咁，啲配料係「各自為政」，又冇乜味道，如果仲有下次要記得唔好再叫🙈整體係覺得唔太抵食，好彩唔使等位。睇返原來對上一次同一間餐廳食評已經接近兩年前，應該都至少一年冇食。