Hashtag B

Open Now

Now Closed

今日同朋友去咗尖沙咀嘅 Hashtag B 買麵包，聽聞呢間麵包店經常大排長龍，我就係想試吓點解咁人氣。我哋大約下午兩點幾去到，已經排咗條長長嘅隊。好在店員手腳都好快，排咗廿幾分鐘就買到喇。明太子酥 ：呢款酥皮好鬆脆，裏面嘅明太子餡料好足料，啖啖都係鮮味，配上酸瓜，惹味得黎帶點清新。蘋果金寶酥：酥皮焗到金黃酥脆，裏面嘅蘋果餡料甜而不膩，非常清香。腸仔竹炭包 ：呢款包用咗竹炭粉整成，食落鬆軟。裏面嘅法蘭克福好juicy，配埋芝士，好惹味。柚子千層撻 ：柚子餡料酸甜得宜，好清新，酥皮夠香脆，無論口感或味道都非常出色，令人食到唔停口。