來多碗車仔麵 (民裕街)

Open Now

Now Closed

同家姐去開紅磡，想食個下午茶，行到民裕街見到間車仔麵店，感覺乾淨企理，唔似一般大圓枱比較污糟既店，一於就去試下！麵同配料都好多選擇，煮麵姐姐親切有禮，大排長龍都唔會催你，服務態度好好我叫左碗米線，請姐姐煮腍少少都無托手爭！魷魚微辣，好惹味，魚蛋，雞尖幾好，超大隻冬菇一咬就爆汁，正呀！菜心好嫩好新鮮！家姐叫左碗油麵豬腸夠腍又入味，牛筋夠腍滑，冬菇爆汁，豬皮爽口，通菜又嫩又滑另外再叫左份$15麻辣鴨血唔算好辣，不過好惹味，個底舖左韭菜，吸收左麻辣汁既味道，正值得一提既就係入面有埋廁所！唔使走去後巷，夠哂user friendly!!