來多碗車仔麵 (民裕街)

Open Now

Now Closed

再多一間車仔麵，真係咁好做？短短條路仔 3 間車仔麵，每 10 秒路程有一間。內籠行光猛乾淨企理路線，食材都比一般高質、高價、特別、創意！民康車仔麵湯底太清太淡，發記車仔麵湯底極濃豉油重味帶混濁。整碗車仔麵色香味都處理不錯，價錢比附近兩間老店貴少少，一間係側街、一間係後巷，來多碗位置對正大碼路，而且內籠環境舒服。台灣麻辣韮菜鴨紅，非常入味外脆內軟一咬爆汁，濃濃味道泛著輕麻輕辣，必食之選！如果有麻辣湯麵就真係幸福到笑喇。辣水魷滷水雞中翼幼麵，水魷入味爽脆滑嘟嘟震騰騰，雞中翼香甜醃味得宜皮彈肉滑不霉。高質幼麵一食便知，幼嫩爽彈掛湯散蛋麵粉及蛋香。豉油湯底清爽濃郁甜美可口，撈埋自家秘製辣椒醬，微辣帶甜自家秘製辣椒醬，使得我幾乎全部湯清掉，香辣醒腦停不下來！蘿蔔牛腩滷水蛋鴛鴦，隔住塊玻璃問食咩麵？您肯定聽得清楚？還是識讀脣語呀？我已講 3 次鴛鴦幼麵加河粉，唔係加底呀！我已講 3 次溏心蛋，唔係滷味蛋呀！最憎食全熟蛋，加底要格硬食晒去好飽呢！見員工們一個烚麵一個夾餸一個收銀一個傳菜，但感覺好混亂毫無默契。粒粒牛腩高檔次不是下欄頭頭尾尾邊皮腩碎，竟是爽彈無渣，牛味香甜帶肉汁非常滿意！極腍蘿蔔我的

係紅磡廣場買完野 唔知食咩好 捻住車仔面一定無伏點知就瀨哂野我叫左三餸面（秘製牛腩、通菜同魚條）牛腩好鞋口 完全唔入味😓腩肉同肥係分開的魚條味道ok 但有雪櫃味紅薯粉就煮到超級淋 完全無彈性最難食係個湯底 睇相好似好深色好濃味咁但得個咸字 完全無腩汁味 男朋友都叫左三餸面（滷水豬腸、甜心蘿蔔同滷水蛋）蘿蔔係全日最正路既餸 無渣 同埋夠甜滷水蛋幾入味 不過不失但滷水豬腸好un~~完全咬唔開下次唔會再幫襯 隔離間刀削麵仲好食

午餐唔想食飯，醒起附近有間車仔麵店所以走去買外賣。其實呢間野食過幾次，不過不失。但今次隻豬手就令我有啲失望，滷得唔夠淋，要用力齒隻豬手😞無曬儀態不過佢地既豬大腸就好入味，好正。辣魚蛋就不過不失，係唔太辣。唔想食飯個陣都會再買既。豬手就無下次🤣

成日放lunch都唔知食乜嘢好，附近嘅餐廳都食暈晒。今日就試吓呢間車仔麵，估唔到又有啲驚喜喎。一入到去，就發現佢充滿着港式懷舊車仔麵嘅味道，可以一路落單一路睇住佢煮同埋揀餸。而我就叫咗福州魚丸，大腸，仲有滷水雞翼配埋油面。首先講吓佢嘅湯底，我就加咗少少秘製辣醬，覺得10分惹味。已配料方面，我就覺得佢哋嘅大腸幾好食，炆得夠林夠入味。如果大家lunch諗唔到食咩都可以試吓呢間！

因為見open rice好多好評所以今日決定嗌佢嘅外賣，但一食之後，我想講真心未食過咁難食嘅車仔麵....1）個湯得個鹹字，仲要係好鹹，好似佢嘅特式就係鹹咁2）蘿蔔雖然甜但係勁多渣3）炸魚皮本身腍嘅，好似擺咗喺櫃到好耐好耐咁，超市一包包個啲仲好食過佢4）個炸餃子啲皮勁硬咬唔開，食唔出入面係啲咩5）另一碗嗌咗豬紅，完全無味係得個雞翼叫做正常少少，叫做有味道唔錯；想問係咪因為外賣所以唔重視食物質素？？？？

講真，食物水準還可以，種類多，但都是車仔麵餸款，無乜特別，牛腩是一般的碎腩，豬腸有時會有 壓味，間唔時去食下是可以的。但疫情期間，有次見到其他客叫餸時，在無帶口罩情況下， 伸個頭入去啲餸上面裝有咩餸時，係餸上面點餸，在這情況下難免會有口水噴落啲餸度，有欠衛生囉...開張到而家都有keep住一星期2，3次到食，但最近多了一個中長度髮扎辮嘅大嬸，態度，語氣其差，好似之前唔知幾時 得罪過佢咁，同佢對眼時永遠係啤住你咁，就算佢見到你望到佢啤你時，佢都唔會望開，keep住啤。後期去食三次都係咁情況。所以選擇唔再去lu.因為個大嬸趕走左客了。食飯都係想搵過舒適心暢嘅心情同環境下進食。※每次去食連凍飲都用成六十蚊，都不太算是個低消費客戶※（雖然不能指望車仔檔有好服務態度，但唔係可以老馮咁對客）P.S. 其實店內有個扎馬辮染啡金頭髮個姐姐，同短髮露耳個姐姐，態度就好好多，會臉露笑容咁幫你同講嘢。

放假，當然唔會咁早起身啦！我同老公瞓到中午先起身，出得門口都成點幾兩點，呢個時間又好尷尬，下午茶又食唔到，咁既然係咁，我地就決定食車仔麵。因為呢間幾點食都好，個價錢都一樣，唔會有分時段。講真，呢間車仔麵係工廠區黎講都唔平，偏貴，分量少，餸就唔洗講啦！阿姐會數住數住，每份得二、三舊，怕比多你咁，當然有D食物係細細粒既，會多幾粒咁啦！可能大家都諗，點解我仲會去食，原因好簡單，鬼叫佢好食同埋同附近黎講，佢叫乾淨企理咩。餐廳：來多碗車仔麵我地食叫左乜我就唔講，大家睇相就知道。講下佢有乜好食啦！尤魚、牛肚、豬紅、豬腸同蘿蔔都要試下，鐘意食辣既朋友，佢係秘製辣醬，係甜辣醬，你可以就自己既辣度自己加，仲有另一個叫魔鬼辣，講真，對我黎講就真係一D都唔魔鬼，只係BB辣，之後我再去加，阿姐就話其實係枱面既辣椒油，唔洗專登出去加。

我自己都算鍾意食車仔麵，因為都幾多餸選擇，呢度嘅冬菇係我印象幾深刻，因為炆得好入味，亦都好林。 車仔麵一向俾我印象係比較平民嘅食物，但係呢度一碗幾送一麵嘅車仔麵都索價近$50 ，對我來講好似唔多平啦。

來多碗車仔麵紅磡民裕街19-31號隆基大廈地下6號舖今日同朋友去左紅磡一年一度既Ice fire開倉掃貨，博殺完之後覺得肚餓，係附近見到呢間車仔麵好似都幾吸引所以就決定入黎試下啦價錢都算係幾大眾代一入到門口先落單，比錢再搵位坐餐廳入面既環境都唔錯，簡潔舒適夠晒光猛我揀左金錢肚，貢丸，台灣黑椒腸同漢堡扒另外再加多個炸魚皮，叫叫下揀左5個餸，勁大食呀，哈哈呢到既配料款式好多，最出色既係佢既秘制醬料，自助形式想要幾多自己落，大家唔好錯過，好正架

「來多碗」車仔麵有很多分店，位於紅磡民裕街的「來多碗」車仔麵，午餐時間人客絡繹不絕，因為很多人都喜歡食個快、靚、正的午餐。今天是星期日，我和老公來食個bunch。一入店內，就見到牆上面畫有功夫熊貓食麵的傻樣，甚是可愛。車仔麵的餸大多是$8，有四款餸是10-14元，選擇頗多。我選擇了公仔麵，還有豆卜、鹵水蛋、牛柏葉和芝士腸，老公選了出前一丁，鳳爪、豬皮、牛腩和魚皮餃，還有豆漿和凍奶茶兩杯飲品。值得一讚是，食完這碗車仔麵，我們倆都不覺得口渴，證明沒有落味精。

今日經過呢間來多碗車仔麵，見佢入面幾大幾乾淨，決定入去試下😉車仔麵黎講，佢裝修算係好大好整潔，仲有d香港風味添🤣我叫左油麵底，響玲，台灣黑椒腸，祕汁雞翼，墨魚春卷同埋牛腩😊車仔麵個湯底好重要，呢間既湯底好夠味又唔會咸，食完都唔會好口乾油麵比平時食開果d幼身同滑👍🏻有少少似米線🤣麵質算唔錯響玲配車仔麵湯食真係好正，索哂d湯汁好好味台灣黑椒腸算正宗，估唔到配車仔麵都幾好食祕汁雞翼係我覺得最好食，好入味又夠大隻👍🏻👍🏻👍🏻墨魚春卷好爽口，好小地方有得食牛腩肥瘦適中，一d都唔會un😄我朋友叫左油麵底，響玲，台灣黑椒腸，祕汁雞翼，墨魚春卷同埋辣魷魚其他野都一樣，不過多左辣魷魚，好爽口辣辣地好上癮🤣我地仲加左佢既魔鬼辣醬，好香唔算太辣，正常人都應該食到，因為我係好食得辣既所以加左好多辣醬，好正👍🏻😄

中午黎到來多碗車仔麵，一入鋪頭左邊就係叫送，行多兩步就係收銀機比錢，再去搵位坐。成個流程好smooth好快, 岩哂想快靚正搞掂既人。今次叫左兩碗5送既車仔麵，兩碗既麵底都要左出前一丁（因為平時屋企唔會買出前一丁黎食，出街就放肆下啦😛），再要多2罐coke zero。我好少可食車仔麵，不過我都幾滿意佢既送，冬菇好入味，好厚身好有口感，咖哩魚蛋都好正，唔會太粉，辣度岩岩好。老水蛋亦都好入味👍🏻貢丸亦都比其他連鎖店好食。

又到星期日周圍搵嘢食的時候，在門口見到個名幾吸引，便來食碗車仔麵。呢間麵檔裝修簡單但十分乾淨，入門口先點嘢食後比錢才搵位坐低，佢哋會將食物及飲品送過嚟，服務態度好，此類小店比較少見。我先來一碗三餸麵（豬紅、墨魚丸及菜肉餃）配紅薯粉，一般其他麵店紅薯粉都要加錢，呢度唔使加錢，墨魚丸幾彈牙，份量亦唔細。阿仔便來碗四餸河粉（牛腩、豬紅、豬腸及牛肚），豬腸好淋入味，牛腩亦高質素，加佢哋嘅辣醬，十分開胃。另外試了一個特別的飲品，冰啡樂（咖啡+可樂），好少地方有供應，飲落好特別，有層次，苦中有甜，咖啡帶氣，好配搭。

食得車仔麵一般都預左環境細小及迫，但呢間車仔麵地方闊落，坐得舒服，燈光仲好光猛添收左工六點半到入座，唔駛同人迫好正一食車仔麵就會忍唔住想食好多餸，最後叫左雞翼魚皮餃牛腩墨魚丸瀨粉雞翼同牛腩都好入味，秘製辣醬啱晒無辣不歡既我。瀨粉唔係間間都食到，呢間有當然要點，一直認為瀨粉係最襯食車仔麵😅加$8有一小碟生菜，加左當健康左😂整體味道環境都算唔錯，可以再去食既車仔麵店

近家維村有條美食街！唔係紅磡人應該唔知😅哩度其實有三、四間麵舖係我飯堂😂如果想食車仔麵的話就會嚟哩度今朝起身一路懶出門口結果要冒住黃雨出嚟😅心癮想食我嗌咗菠菜麵+通菜底嗌咗雞翼、春卷、蘿蔔、牛栢葉同墨魚丸雞翼好入味 春卷係佢地招牌 彈牙得嚟又好味蘿蔔好甜 索晒啲湯朋友嗰碗係油麵牛腩、魷魚、魚蛋、貢丸牛腩個汁好濃 做腩汁一流魷魚辣得好過癮 不愧係招牌哩度比起一般車仔麵舖係乾淨企理得多麵底選擇有成十款餸菜有幾十款唔係麻辣嗰種 食落好刺激！哩道啲料真係入味又大件抵食其實車仔麵檔可以整到咁嘅食物水準真係好難得哩度走年輕路線 食物質素高未食過嘅街坊一試肯定會再試！