Read full review
2023-09-25
1948 views
每當同人講起我喺九龍城附近返工,話題就會即刻轉移咗去泰國菜😋今日約朋友食飯,嚟到九龍城,基本上都唔洗諗食咩😌,一定係食泰國菜 😋之前試過小曼谷,都幾抵食,份量大價錢又平。但係今次想搵間坐得舒服啲嘅,可以傾下計嘅地方。同事就介紹黃珍珍,話一定有位 👍🏻餐廳好大,有兩層,就算冇訂位,walk in 應該都有機會唔洗等位。青木瓜沙律 ($98)木瓜沙律配生菜,我望住朋友,係咪要用生菜包住沙律 😳見識少,第一次見木瓜沙律配生菜上,唔係好知點食 😅木瓜沙律好惹味,越食越開胃。泰汁燒日本魷魚 ($148)其實係第一次喺泰國餐廳食燒魷魚 😝魷魚燒得好香,而且好嫩。好多時最怕煮魷魚,一係驚唔熟,一係就硬到食橡筋。哩個唔會,好好食‼️食唔停口‼️馬拉盞炒通菜 ($98)雖然話係馬拉盞,但一啲都唔辣。基本上食泰國嘢都一定會叫嘅嘢食。雜錦串燒 (6件) ($138)豬肉、牛肉、雞肉我哋兩個人食,叫一個細嘅雜錦串燒岩岩好,每人兩串,豬、牛、雞都食到。今次哩個串燒係點沙爹汁啦。燒得好香,火侯岩岩好。肉質好淋,唔會燒到好乾,推薦 👍🏻椰青 ($52)珍多冰 ($42)落單後,第一樣嘢到嘅就係珍多冰🍹珍多冰唔係好甜,而
今日約朋友食飯,嚟到九龍城,基本上都唔洗諗食咩😌,一定係食泰國菜 😋
之前試過小曼谷,都幾抵食,份量大價錢又平。
但係今次想搵間坐得舒服啲嘅,可以傾下計嘅地方。
同事就介紹黃珍珍,話一定有位 👍🏻
餐廳好大,有兩層,就算冇訂位,walk in 應該都有機會唔洗等位。
青木瓜沙律 ($98)
木瓜沙律配生菜,我望住朋友,係咪要用生菜包住沙律 😳
見識少,第一次見木瓜沙律配生菜上,唔係好知點食 😅
木瓜沙律好惹味,越食越開胃。
泰汁燒日本魷魚 ($148)
其實係第一次喺泰國餐廳食燒魷魚 😝
魷魚燒得好香,而且好嫩。
好多時最怕煮魷魚,一係驚唔熟,一係就硬到食橡筋。
哩個唔會,好好食‼️
食唔停口‼️
馬拉盞炒通菜 ($98)
雖然話係馬拉盞,但一啲都唔辣。
基本上食泰國嘢都一定會叫嘅嘢食。
雜錦串燒 (6件) ($138)
豬肉、牛肉、雞肉
我哋兩個人食,叫一個細嘅雜錦串燒岩岩好,每人兩串,豬、牛、雞都食到。
今次哩個串燒係點沙爹汁啦。
燒得好香,火侯岩岩好。
肉質好淋,唔會燒到好乾,推薦 👍🏻
椰青 ($52)
珍多冰 ($42)
落單後,第一樣嘢到嘅就係珍多冰🍹
珍多冰唔係好甜,而且好足料。
係兒時回憶,以前細個屋企人帶我去食泰國嘢,一定會叫。
喺九龍城叫做食過兩次泰國嘢,兩間比較之下,我會推薦哩間。
環境坐得舒服啲,又乾淨啲。
價錢中間,唔算太貴。
食物味道、賣相、份量都同價錢成正比,值得一試。
Post