Video
Read full review
2022-06-07
46 views
有左屯馬線宋皇臺站，黎九龍城好方便。原來九龍城吾單止有泰菜，係龍崗道被2隻蟹既招牌吸引，就試下蟹仙食蒸海鮮。一入去就見到每張枱都吊住一個用竹織成既圓錐帽，其實係蒸爐蓋。有好多套餐選擇，1人前由$299～$699。亦有2，3，4人餐，店員一一詳細好介紹。然後就幫我地蒸下d餐具消毒。我地2人各叫一個$399既尊貴海鮮餐，有10款海鮮加生菜籃。餐廳都好闊綽，另外送左2個小食。炸魚皮好酥脆，好好味但吾捨得食晒，留返d送粥。青瓜海蜇有小小麻辣，好惹味。蒸鍋吾係放水係用粥，粥底已經有粟米，豬骨，芋頭粒，一陣加埋蒸海鮮既精華，正。先黎貝類海鮮同老虎蝦，用立體蟹盤，一定要打卡。店員係會幫忙蒸同上菜，會跟據海鮮所需時間分開蒸。老虎蝦 ： 肉質爽口。大元貝 ： 大元貝蒸得剛剛好，吾會痴牙。韓國珍珠蠔 ： 雖然吾係好大隻，但好肥好厚肉，好新鮮，無腥味。野生青口 ： 急凍就食得多，野生第一次食，店員話吾使落醬汁，真係好鮮甜，有驚喜。🤩刀貝蚌 ： 又係吾落醬油，有海水味又creamy，但又吾會好似生蠔有金屬味，同平時食既蚌好吾同😋。鮑魚 ： 好新鮮，無落任何料頭，都好好味好彈牙。大隻奄仔蟹 ： 已被切成一半，
一入去就見到每張枱都吊住一個用竹織成既圓錐帽，其實係蒸爐蓋。
有好多套餐選擇，1人前由$299～$699。亦有2，3，4人餐，店員一一詳細好介紹。然後就幫我地蒸下d餐具消毒。
我地2人各叫一個$399既尊貴海鮮餐，有10款海鮮加生菜籃。餐廳都好闊綽，另外送左2個小食。
炸魚皮好酥脆，好好味但吾捨得食晒，留返d送粥。
青瓜海蜇有小小麻辣，好惹味。
蒸鍋吾係放水係用粥，粥底已經有粟米，豬骨，芋頭粒，一陣加埋蒸海鮮既精華，正。
先黎貝類海鮮同老虎蝦，用立體蟹盤，一定要打卡。
店員係會幫忙蒸同上菜，會跟據海鮮所需時間分開蒸。
老虎蝦 ： 肉質爽口。
大元貝 ： 大元貝蒸得剛剛好，吾會痴牙。
韓國珍珠蠔 ： 雖然吾係好大隻，但好肥好厚肉，好新鮮，無腥味。
野生青口 ： 急凍就食得多，野生第一次食，店員話吾使落醬汁，真係好鮮甜，有驚喜。🤩
刀貝蚌 ： 又係吾落醬油，有海水味又creamy，但又吾會好似生蠔有金屬味，同平時食既蚌好吾同😋。
鮑魚 ： 好新鮮，無落任何料頭，都好好味好彈牙。
大隻奄仔蟹 ： 已被切成一半，但仍在郁，OMG🥴 蟹肉好甜又多膏。
龍蝦 ： 店員教用叉由尾拮入去，成隻龍蝦肉拮起，好爽甜，龍蝦入面仲有蝦膏，連壳放入粥底。👍
琵琶蝦 ： 第一次食，肉質比龍蝦淋少許，一樣鮮甜，口感別有風味。
最後係蒸菜，咁先算健康人生。
蒸完所有食物，係時候食粥，粥本身有好多配料，再加上海鮮精華，味道豐富。每位加$15既粥底，比起白飯抵好多。
最後仲有燕窩西米露，雖然只有一些燕碎，都好好味。
今晚呢餐海鮮餐好滿足，性價比高。🤩
Post
