第三站

已經好耐世紀冇入過樓上cafe食嘢，以前讀書嗰陣就經常去，因為大份又抵食。今次又重回學生時代感受返。6半入到去都見唔少人已座，好多年輕的朋友🥰雖然多人玩board-game但未算太嘈，主要都係空間够大，而且梳化位闊落。有低消，每人至少一個set，set餐有跟飲品$38，超咗補返差價就得。我同friend都係白汁愛好者，揀咗G & H餐。G.黑松露帶子鮮菌燴意大利飯十分濃郁的黑松露味，份量huge，真材實料有保證，淋上充足醬汁，入口的每一啖都可以食到爽脆的鮮菌同帶子粒。H.煙三文魚野菌忌廉燴闊麵條好似有少少薯蓉味，whatever本人係🥔愛好人士，呢隻口味撞正我喜好，十指大動。嗰麵身偏硬少少，不過嚼起上嚟都幾有味。煙三文魚片都俾得唔少㗎，抵食。特級海鮮拼盤食cafe一定唔少得炸物，喺肉與海鮮中選擇困難的我們最後用包剪揼決定食海鮮拼😂依然延續返樓上cafe的出色，多品種多份量。入邊最正必屬蟹鉗，厚身多肉又酥脆。帶子有d炸過龍，不過唔影響。巨峰提子乳酪強力推薦！葡萄色本身就够晒吸睛，好creamy但好彩唔會太甜，罪惡感都有减返d。乳酪mix cream好順滑，兩啖入口即刻降溫，夏日必點呀喂。