Video
Read full review
2019-09-10
36 views
講到香港嘅放題，其實我地食黎食去嗰幾間，都係集團式，好多地方都有分店。呢間至尊滿屋位於旺角，比較方便我地收工近近地行過去就得。瓊華中心一向多野食，至尊滿屋喺7樓，餐廳面積唔算話十分十分之大，假日早場唔洗訂位都應該冇問題大部份係卡位，坐得舒適，枱與枱間有適量空間，唔會逼到行都行唔到。帶位店員非常有禮，而其他店員都屬於有效率嘅類型，收拾、上菜利落。入座時未夠6點，所以客人唔多。到大約7點鐘就已經8成滿座，如果唔係早場，最好都係訂枱收費方面，星期一至四晚市7點半前離座或9點3後入座，每位$188，星期五六日、假期就每位加10蚊，一般放題都係咁上下價錢。餐牌分兩疊，刺身、壽司、沙律類同熟食、鍋物類，一坐低我地就拿拿聲落單。刺身方面有甜蝦、大赤蝦、大烏貝、翡翠螺、北海道帶子、吞拿魚、希靈魚、三文魚等。壽司選擇頗多，活赤、中拖羅、赤貝、油甘魚；卷物有芝士鰻魚卷、燒芝士三文魚卷；當然唔少得火炙系列；軍艦同手卷。熟食選擇不少，雞翼、咖喱炒蟹、廣島蠔、西京比目魚、羊鞍、鯖花魚、燒海蝦、天婦羅等。飲品任飲，除左一般罐裝飲品，仲有手調嘅梳打類。刺身冰底上，三文魚肥美，帶子鮮味，螺片、蟹棒吧啲正常發揮，值得
大部份係卡位，坐得舒適，枱與枱間有適量空間，唔會逼到行都行唔到。帶位店員非常有禮，而其他店員都屬於有效率嘅類型，收拾、上菜利落。入座時未夠6點，所以客人唔多。到大約7點鐘就已經8成滿座，如果唔係早場，最好都係訂枱
收費方面，星期一至四晚市7點半前離座或9點3後入座，每位$188，星期五六日、假期就每位加10蚊，一般放題都係咁上下價錢。
餐牌分兩疊，刺身、壽司、沙律類同熟食、鍋物類，一坐低我地就拿拿聲落單。刺身方面有甜蝦、大赤蝦、大烏貝、翡翠螺、北海道帶子、吞拿魚、希靈魚、三文魚等。壽司選擇頗多，活赤、中拖羅、赤貝、油甘魚；卷物有芝士鰻魚卷、燒芝士三文魚卷；當然唔少得火炙系列；軍艦同手卷。
熟食選擇不少，雞翼、咖喱炒蟹、廣島蠔、西京比目魚、羊鞍、鯖花魚、燒海蝦、天婦羅等。
飲品任飲，除左一般罐裝飲品，仲有手調嘅梳打類。
刺身冰底上，三文魚肥美，帶子鮮味，螺片、蟹棒吧啲正常發揮，值得一讚，份量跟足落單紙，而且上菜迅速
壽司方面都點左少量，除左中拖羅、左口魚邊唔知係咪賣哂，其他都上齊。蟹籽軍艦、芥辣八爪魚軍艦都係即製，紫菜仲脆。
蒲燒鰻魚壽司、醬燒三文魚壽司都ok，壽司飯唔會太大件，而且食落都仲幾軟腍。
至於熟食，個人認為比較出色，樣樣都係新鮮熱辣，尤其是大蝦天婦羅，無限encore蝦夠大隻，炸漿唔會太厚，而且食落香脆，油份唔會太高。
西京比目魚同鹽燒鯖花魚係每次食放題見到有都會點嘅，因為我地平時好少有機會食到。最鐘意魚油滿滿嘅感覺，細骨唔多，容易食
鹽燒牛舌、雞翼都收貨有餘。
蒜片牛柳粒唔會太老，食落唔韌。炒雞腎都幾惹味。
炒芥蘭係見到隔離枱叫，覺得炒得幾靚仔而點的。
最後當然唔少得雪糕，呢度有movenpick同haagendazs自選，我地當然係揀後者，仲難得遇到我第二最愛口味 - 焦糖脆餅一人一杯！
Post
