Video
Read full review
2023-01-28
1476 views
法國菜一般俾人既感覺都係好貴，唔係平日食既菜式，如果聽到間法國菜餐廳係中環既，更加令人覺得埋單都起碼人均四位數字先落到樓。今次我就介紹一間既係法國菜，又係中環，而且人均$500都落到樓既樓上餐廳，Cuisine Culture。餐廳位於中環既世紀廣場對面，好近MTR，非常方便。🔸 焗法式地道古也芝士洋蔥湯｜$78天氣咁凍最岩飲碗熱湯暖肚，服務員特別提要小心，因為隻碗超級熱。湯有好濃厚既洋蔥味，洋蔥絲都煲到好腍，而且有拉絲芝士，中間有一塊脆多士。🔸 法式焗蝸牛｜$98一客有六件，蝸牛隻隻都好厚肉，連殼地擺放好係牛油薯蓉上面。蝸牛充滿香草蒜頭調嘅汁，香氣宜人而且不鹹不膩。🔸 燒蜜糖檸檬芥末籽黑毛豬豚肉配香蒜薯仔｜$238黑毛豬豚肉係上碟時已經切好一片片，好貼心。黑毛豬肉味既香且甜，但油花又不會過重，值得一讚佢個蜜糖檸檬芥末籽醬，味道好夾好清新。🔸 香蒜牛肝菌意粉｜$138意粉偏幼身，口感煙韌。加入牛肝菌同橄欖油一齊炒香至乾身，最後放上份量適中的黑松露醬及香草，香氣撲籃鼻🔸 酥皮蘋果批配雪糕 (是日甜品)｜$78蘋果批烘得溫熱鬆脆，伴雪糕吃，冰火交融，層次分明。📍Cuisine Cultur
🔸 焗法式地道古也芝士洋蔥湯｜$78
天氣咁凍最岩飲碗熱湯暖肚，服務員特別提要小心，因為隻碗超級熱。湯有好濃厚既洋蔥味，洋蔥絲都煲到好腍，而且有拉絲芝士，中間有一塊脆多士。
🔸 法式焗蝸牛｜$98
一客有六件，蝸牛隻隻都好厚肉，連殼地擺放好係牛油薯蓉上面。蝸牛充滿香草蒜頭調嘅汁，香氣宜人而且不鹹不膩。
🔸 燒蜜糖檸檬芥末籽黑毛豬豚肉配香蒜薯仔｜$238
黑毛豬豚肉係上碟時已經切好一片片，好貼心。黑毛豬肉味既香且甜，但油花又不會過重，值得一讚佢個蜜糖檸檬芥末籽醬，味道好夾好清新。
🔸 香蒜牛肝菌意粉｜$138
意粉偏幼身，口感煙韌。加入牛肝菌同橄欖油一齊炒香至乾身，最後放上份量適中的黑松露醬及香草，香氣撲籃鼻
🔸 酥皮蘋果批配雪糕 (是日甜品)｜$78
蘋果批烘得溫熱鬆脆，伴雪糕吃，冰火交融，層次分明。
📍Cuisine Culture
中環德己立街12號業豐大廈2樓203號舖
Post
