Video
Read full review
2025-06-20
0 views
今日到IFC開會，同事話要食正宗福建菜，咁試試哩間餐廳啦。餐廳唔算好大，裝修得好時尚。晚市也提供數款套餐，好多選擇。大紅袍仙草凍，大紅袍茶香味濃郁，入口帶有回甘。仙草凍飲落爽口彈牙，加上淡淡茶香，夏天食真係消暑首選。豉椒炒蟶子，蟶子新鮮肥美，先炸再炒，炒得夠曬鑊氣。蟶子肉質爽嫩，豉椒味香濃但唔會蓋過海鮮嘅鮮甜，送飯一流。臘味雞卷，呢個雞卷好花功夫，外層係雞肉，內裡包住臘腸。臘腸鹹香豐腴，雞肉嫩滑香甜，同臘味嘅油香好夾，食落層次好豐富。特色醬汁似喼汁加埋辣椒，點埋更提鮮。黑蒜粒燉排骨湯，湯色深褐色，飲落甘香清甜，完全冇蒜嘅嗆味。排骨燉到軟爛，一咬就脫骨，黑蒜粒煲到融化，精華全部入曬湯。飲完成個人暖笠笠，好滋補。酸菜紅燒肉，五花肉肥瘦相間，燜到超級軟糯。上面點綴埋燒椒醬，再加埋酸菜，酸菜嘅酸爽中和咗紅燒肉嘅油膩，燒椒醬再吊出紅燒肉嘅甜味，味道真係冇得彈。菌菇酸湯牛腩泗粉，酸湯用香茅，番茄調味，飲落好特別，好似泰國冬陰功湯底。牛腩炆得夠曬淋，帶有少少筋位，咬落好有口感。泗粉吸曬湯汁鮮味，食到停唔落口。椰奶銀耳燉桃膠，糖水落曬料煲制，銀耳膠質滿滿，桃膠爽滑Q彈，椰奶香滑濃鬱，食完覺得好潤。枇杷
大紅袍仙草凍，大紅袍茶香味濃郁，入口帶有回甘。仙草凍飲落爽口彈牙，加上淡淡茶香，夏天食真係消暑首選。
豉椒炒蟶子，蟶子新鮮肥美，先炸再炒，炒得夠曬鑊氣。蟶子肉質爽嫩，豉椒味香濃但唔會蓋過海鮮嘅鮮甜，送飯一流。
臘味雞卷，呢個雞卷好花功夫，外層係雞肉，內裡包住臘腸。臘腸鹹香豐腴，雞肉嫩滑香甜，同臘味嘅油香好夾，食落層次好豐富。特色醬汁似喼汁加埋辣椒，點埋更提鮮。
黑蒜粒燉排骨湯，湯色深褐色，飲落甘香清甜，完全冇蒜嘅嗆味。排骨燉到軟爛，一咬就脫骨，黑蒜粒煲到融化，精華全部入曬湯。飲完成個人暖笠笠，好滋補。
酸菜紅燒肉，五花肉肥瘦相間，燜到超級軟糯。上面點綴埋燒椒醬，再加埋酸菜，酸菜嘅酸爽中和咗紅燒肉嘅油膩，燒椒醬再吊出紅燒肉嘅甜味，味道真係冇得彈。
菌菇酸湯牛腩泗粉，酸湯用香茅，番茄調味，飲落好特別，好似泰國冬陰功湯底。牛腩炆得夠曬淋，帶有少少筋位，咬落好有口感。泗粉吸曬湯汁鮮味，食到停唔落口。
椰奶銀耳燉桃膠，糖水落曬料煲制，銀耳膠質滿滿，桃膠爽滑Q彈，椰奶香滑濃鬱，食完覺得好潤。
枇杷凍，枇杷嘅清甜完全保留，凍品口感似啫喱但更柔軟，入口即化。上面仲落埋枇杷粒，好適合飯後解膩。
Post
