龍亭

話說前排同朋友去咗龍亭試佢哋嘅晚市特惠套餐，環境幾高級，又有師傅席前鐵板，價錢只係$488，中環區算非常之抵！首先上枱嘅係季節限定沙律，清新開胃，食完即刻有種「今晚要食好啲」嘅期待感。接下來係前菜漬物：三文魚唇，呢個真係驚喜！三文魚唇漬得入味，口感爽脆中帶點軟腍，淡淡嘅鹹香味好開胃👍🏻之後上咗刺身 我哋揀咗鯛魚，鯛魚片得薄薄地，入口即化，鮮甜到不得了鐵板海鮮兩品有慢煮鮑魚同日本元貝，慢煮鮑魚軟腍juicy，咬落去仲有陣陣海水嘅鮮香、元貝就煎得啱啱好，外脆內嫩，啖啖肉香濃郁，食完真係想encore😝主菜我揀咗澳洲牛柳粒 朋友就試咗宮城厚切黑豚扒😋牛柳粒煎到medium rare，肉汁鎖得好正，嫩滑又多汁，每粒都係滿滿嘅滿足感；黑豚扒厚切得來唔會鞋口，油香同肉味平衡得好好，食落真係唔輸畀牛柳。之後嘅海鮮炒飯，飯粒炒到粒粒分明，滿載蝦仁、帶子同魷魚，濃濃嘅鑊氣同海鮮味一齊爆發，食到停唔到口菊花豆腐白麵豉湯，湯底清甜，飲完暖笠笠，好似俾個胃嚟咗個溫柔嘅抱抱。