Video
Read full review
2012-05-06
26 views
今日路經先知原來香港站都有間添好運, 同男友都有興趣試, 人又唔算多, 就即管等下。如果要我等位, 我寧願等呢間, 起碼係室內, 可以涼住冷氣等, 旺角個間就曬住等, 仲要人又特別多。我地等左半個鍾終於有得入, 比預期快, 不過一定要撘枱, 一枱坐左3對唔識既人, 講野超唔方便。2個人叫左1) 酥皮焗义燒包$18, 係招牌, 一定要試啦, 上枱熱lala, 係墨西哥酥皮, 焗得微脆, 甜甜地, 包身軟林林, 义燒醬汁好味, 真係推介。2) 馬拉糕$14, 熱la la, 細細舊, 好鬆軟, 不過同平時食既有d 唔同, 佢好似焦糖味比較大。3) 粉果$12, 皮薄, 多料, 正。4) 牛肉腸$20, 只屬普通5) 鳳爪排骨飯 $25一盅, 幾大盅, 幾抵食, 不過鳳爪好肥。6) 魚容蒸芋頭糕$18, 下面係芋頭糕, 上面係鯪魚肉, 芋頭糕好好味, 大大粒芋頭, 同鯪魚肉夾埋黎食, 都幾match價錢係比旺角, 深水步貴d, 但唔洗等咁耐, 時間就是金錢。未試過可以試下。不過我試過, 下次會只外買酥皮焗义燒包。
如果要我等位, 我寧願等呢間, 起碼係室內, 可以涼住冷氣等, 旺角個間就曬住等, 仲要人又特別多。
我地等左半個鍾終於有得入, 比預期快, 不過一定要撘枱, 一枱坐左3對唔識既人, 講野超唔方便。
2個人叫左
1) 酥皮焗义燒包$18, 係招牌, 一定要試啦, 上枱熱lala, 係墨西哥酥皮, 焗得微脆, 甜甜地, 包身軟林林, 义燒醬汁好味, 真係推介。
2) 馬拉糕$14, 熱la la, 細細舊, 好鬆軟, 不過同平時食既有d 唔同, 佢好似焦糖味比較大。
3) 粉果$12, 皮薄, 多料, 正。
4) 牛肉腸$20, 只屬普通
5) 鳳爪排骨飯 $25一盅, 幾大盅, 幾抵食, 不過鳳爪好肥。
6) 魚容蒸芋頭糕$18, 下面係芋頭糕, 上面係鯪魚肉, 芋頭糕好好味, 大大粒芋頭, 同鯪魚肉夾埋黎食, 都幾match
價錢係比旺角, 深水步貴d, 但唔洗等咁耐, 時間就是金錢。
未試過可以試下。
不過我試過, 下次會只外買酥皮焗义燒包。
Post
