88
54
23
Exit E2, Hong Kong MTR Station continue reading
All Branches (5)
Telephone
23323078
Introduction
Started by Mak Kwai Pui, who was previously in charge of the Four Seasons dim sum, Tim Ho Wan has exploded as one of Hong Kong’s best dim sum restaurants. continue reading
Awards and Titles
Best Guangdong Restaurant (2013)
Opening Hours
Today
09:00-21:00
Mon-Sun
09:00-21:00
Payment Method
Cash
Review (190)
長龍店行好運圖鑑 Featured Review
Level4 2017-06-07
6888 views
內地客多了,看此店外長龍,已知一二。知名點心店均多自由行聚集,以此店為最。經常約100人聚集,要等多久才有得吃?有何捷徑?吃甚麼性價比最高?要行好運,要看下文:根據長期品嚐,經常觀察,網評,我覺得以下10種點心較佳。1酥皮焗义燒包香港人一般叫雪山义燒包,是把廣東蒸點义燒包西化。我依稀記得創辦人是四季酒店點心師傅,決心開點心專門店,把酒店點心普及化,是他掀起點心專門店風氣。墨西哥包的皮做得薄而香軟,餡料極飽滿,汁液豐盈,义燒汁味道濃郁。唯一瑕疵是太咸,若略減餡料,增墨西哥包甜度,則完美了。排長龍時可叫外賣先食此龍虎榜第一位食物。2古法糯米雞比一般酒樓,快餐店多餡料,捨得用靚雞件,最重要是秘製醬汁,醬汁應是類同义燒醬。難得是老闊年紀不太大,卻能製很多廣東傳統古法點心。香港點心源自廣州,現反而吸引內地人來吃。3羅白糕/蘿蔔糕在農曆新年時,盒裝很暢銷,所以我認為應入三甲。蘿蔔絲夠多,咸度足,焦香程度則有待加強。4黃沙豬潤腸早年在旺角開業時,此款式排第2位,排名在滑落之中。其實此懷舊點心夠特別,如不喜豬潤,食免治牛肉腸。此店擅長牛肉,如絲網炸牛肉,牛肉釀茄子,牛肉春卷……曾出現在餐單。5晶瑩鮮蝦餃與燒賣,蝦腸並列最貴點心,賣32元。皮薄如紗,笋粒清爽。6杞子桂花糕口碑佳,食客多讚有桂花清香,甜度恰好。7煎蛋牛肉飯此店的鳳爪是屬鮑汁製品種,未必人人接受,加上排骨偏瘦,不宜點選鳳爪排骨飯。雞飯亦少人提及。建議點牛肉飯此懷舊點心,水準遠勝包點店,牛肉較多,打製用心。8陳皮牛肉球/鮮蝦燒賣皇/潮州蒸粉果牛肉有隱隱果皮香。燒賣的豬肉濕潤彈牙。粉果比一般點心店飽滿,令人滿足。9香滑馬拉糕馬拉糕清香鬆軟。10煎釀虎皮尖椒因為香港人愛食煎釀三寶,故入十大榜內。鯪魚肉製成十分肥滿樣子,遠勝於街邊檔子。其他點心如咸水角有少許黐牙,或供應期不穩定,故不推薦。要減省排隊,建議行落一層搭港鐵東涌線,由香港站總站,經九龍站到奧運站,用出口D3,落到奧海城商場G層,全程20分鐘內便到另一分店(單程約12元),食完還可購物。店內環境更遠勝此店。 continue reading
(The above review is the personal opinion of an user which does not represent OpenRice's point of view.)
之前吃過深水埔店數次,認為食物質素不錯,故今天去長洲前,順道與媽咪到香港站店早茶. 9:30am到達,已有10多人排隊,果然是名氣點心!媽咪點了鮑汁鳳爪及叉燒腸,鳳爪好夠淋,亦好入味,可惜不夠熱,只是輕微的和暖,影響了整體味道.腸粉不過不失,感覺粉皮好新鮮,嫩滑,只是口感上認為略為薄了點,如厚多小許便更美味.酥皮叉燒包始終是招牌點心,皮脆, 餡料好足,加上新鮮度充足,夠熱,好味最後埋單$83加單時職員說"只可以加一次單㗎咋",語氣頗掘,還有入座時另一員工的不太禮貌態度. 對著這麼多慕名而來的遊客,這種態度,可能正正因為名氣吧! continue reading
(The above review is the personal opinion of an user which does not represent OpenRice's point of view.)
Level1 2017-10-31
470 views
今日帶台灣d frds去中環呢間添好運食嘢,服務態度差到離譜!話說我地三大一細(2歲未夠BB),俾佐個近廚房出餐嘅角落位置。我地話有BB可唔可以換位,我地都可以等,因為擔心出餐會唔小心整親BB。個服務員一臉不屑嘅樣都唔緊要,我地配合坐佐落去之後,跟住隔離兩位客人咁啱起身走人,我地想話坐入去四個位啱啱好同埋都安全d,個服務員見到即刻話:坐四個位連BB都要收茶錢ga!我地唔想吵坐返原位,俾個3蚊茶錢唔係問題,但咁嘅服務態度真係令我地幾個呆晒!咁都算啦,跟住隔離兩個位俾佐兩位日本遊客。呢兩位日本遊客可能第一次食,唔知d點心一份有幾個,例如菠蘿叉燒包一份有3個之類,就蒙喳喳有d嘢點佐兩份(佢地諗住2份就係一人一隻)。見到我地d嘢送上檯先察覺唔對路,想請服務員取消一份。我地見佢地同服務員雞同鴨講咁,就幫手同服務員講,點知d服務員態度勁差!大聲話d嘢落佐單冇得取消,咁廚房蒸佐d嘢邊個食?D餐都未出,我地都係請佢地睇下可唔可以取消,如果唔得咪算囉,但使唔使臉臭兼唔爽咁回應呢?我地梗係明白佢地有佢地公司嘅規定,但都唔使態度差到咁!D日本遊客都係唔知先咁落單,如果真係冇得取消,好聲好氣講唔得?好似我地去食嘢仲欠佢地d乜嘢咁!同佢地講完其實都冇乜胃口食嘢!米芝蓮又點?D嘢好食又點?如果連最基本嘅服務態度都冇,幾好食都係冇用!呢間嘢真係唔會再幫親! continue reading
(The above review is the personal opinion of an user which does not represent OpenRice's point of view.)
Level1 2017-09-24
1229 views
喺朋友強烈推薦下去試咗呢間中環嘅添好運當時大約7.9去到唔知係咪因為就收鋪態度極度差眼見全部兩位咁入咁我吔3位嘅而後面兩個人已經入咗3張問咗個經理一句"幾時到我吔?啲兩位入哂去"個經理就答"未有位吖嘛!我唔係唔想俾你入 你見唔到冇位咩"吓 咩態度?!依家問你入得未啫咁嘅態度做經理?仲要中環??。好啦 入到去啲位好迫兩個人嘅位俾三個人坐見倒人吔4個人 兩枱嚟嘅對人呼呼喝喝"入去啦你 你入去啦 揾個人行入去啦"。食物質素方面個人認為食物質素都唔錯但都係偏普通。食蝦餃入邊有骨喎 第一次真係茶位3 4蚊個 俾嘅係大眾茶仲差過啲普普通通嘅茶樓。對尼間嘢嘅評價試一次 就夠啦! continue reading
(The above review is the personal opinion of an user which does not represent OpenRice's point of view.)
Level3 2017-09-20
873 views
已經好耐無去飲茶, 今日突然好想食腸粉, 諗左好耐都諗唔到邊度有, 由公司行返公司途中醒起有添好運一直都想試, 那就二話不說去買個外賣返公司嘆。應該是即叫即整, 等了大慨十五分鐘, 皮甚簿而叉燒份量適中, 加了鼓油後就十分後悔了, 因為鹹鹹鹹到不得了,  好彩只加了一包, 但唔明包裝明明寫甜鼓油, 點解會鹹到一個點。總結本身叉燒腸是好食, 只是因為包鼓油令到佢扣晒分, 如果還有下次就記得唔好落鼓油or落少 d。   continue reading
(The above review is the personal opinion of an user which does not represent OpenRice's point of view.)