Video
Read full review
2023-03-24
1921 views
Weekend brunch係週末最有儀式感嘅活動🤍 岩岩個週末去咗人氣扒房Porterhouse嘆佢地嘅早午自助餐The Seafood Spectacular Brunch ($598)，三小時任食多款海鮮、烤肉等美食，加埋free-flow package($208)暢飲紅白酒、Peroni同Prosecco，真係超級chill啊🥂✨叫得Seafood Spectacular主打嘅梗係各款新鮮海鮮！供應嘅食物會根據季節變化有所不同，我今次去有愛爾蘭蟹、波士頓龍蝦、加拿大雪場蟹腳等精選海鮮，個人好鍾意佢地嘅螺，隻隻大件彈牙🐚 除咗海鮮吧，每位客人亦可享有一隻蒸鮑魚，鮑魚用葱、薑絲、辣椒黎蒸，鮮甜而彈牙軟熟，非常高質！除咗海鮮，當然仲有多款美食，例如premium cold cuts、芝士、沙律、湯等等！肉方面佢地有wagyu beef rump、roasted chicken同pork belly，黎自澳洲嘅和牛臀肉扒牛肉風味濃厚，食落有嚼勁，點上green peppercorn醬汁真係無得頂🥩🤩比較特別嘅係佢地有個意粉吧，廚師會為你即場整意粉，配料可以揀和牛面頰肉、青口、鮑魚、蘑
叫得Seafood Spectacular主打嘅梗係各款新鮮海鮮！供應嘅食物會根據季節變化有所不同，我今次去有愛爾蘭蟹、波士頓龍蝦、加拿大雪場蟹腳等精選海鮮，個人好鍾意佢地嘅螺，隻隻大件彈牙🐚 除咗海鮮吧，每位客人亦可享有一隻蒸鮑魚，鮑魚用葱、薑絲、辣椒黎蒸，鮮甜而彈牙軟熟，非常高質！
除咗海鮮，當然仲有多款美食，例如premium cold cuts、芝士、沙律、湯等等！肉方面佢地有wagyu beef rump、roasted chicken同pork belly，黎自澳洲嘅和牛臀肉扒牛肉風味濃厚，食落有嚼勁，點上green peppercorn醬汁真係無得頂🥩🤩
比較特別嘅係佢地有個意粉吧，廚師會為你即場整意粉，配料可以揀和牛面頰肉、青口、鮑魚、蘑菇、紅洋蔥等等，即叫即整超香口🍝 另外芝士迷仲可以即場熱蓉芝士加喺薯條度食，極邪惡🧀🍟
最後梗係要掃盡甜品區🤪 佢地嘅蛋糕有好多款，麵包布甸、芝士蛋糕、蘋果批、carrot cake應有盡有，仲有部咖啡沙冰機添🍰 雪糕就有榛子同咖啡兩款口味，建議食晒🍦🤣
Post
