餐牌款式以疏乎厘，吐司，沙律，意粉及各類特色咖啡為主。
🍵宇治抹茶紅豆梳乎厘🥞
開頭以為都係輕食為主，不過呢個疏乎厘真係份量好大份，有三大塊好厚身的疏乎厘pancake, 建議三個女仔叫一份share好啦，如果唔係真係食唔晒😂。擺碟賣相好吸引，配料豐富，具日式風格。質感十分軟熟，入口綿滑，滿滿嘅空氣感，蛋香味十分濃郁😍，配上抹茶忌廉，香濃嘅抹茶唔會遮蓋蛋香味，配上軟滑的抹茶啫喱，煙煙人人嘅丸子🍡同抹茶曲奇碎🍪口感更豐富，而且會有抹茶香嘅回甘，係抹茶控必食之選👍🏻👍🏻👍🏻
🥑牛油果忌廉芝士法式多士🍞
雖然疏乎厘係呢度嘅王牌之選，不過法式多士亦都唔輸蝕，份量都一樣係巨無霸😂，多士吸咗蛋漿，外面焗到金黄色好焦香，配上百利甜酒同焦糖汁味道更香濃，口感超級軟熟😋；牛油果切碎再加打蓉令口感更豐富，配上Creamy嘅忌廉同杏仁脆片，整體感覺非常配合，好邪惡🤩（都係建議搵朋友share啦，自己一個食會飽到滯😂）
全日早餐
呢度嘅all day Breakfast有兩款：素食同非素食，呢一款係非素食。材料都幾豐富：有pancake，德國腸，煙肉，煎蛋，大啡菇，炒蘑菇，多士，茄汁焗豆。煙肉都煎得幾香唔會太肥膩; 德國腸煎得好香口；pancake淋上蜂蜜好香甜同焦香牛油味；炒蘑菇加咗辣蕃茄醬炒香，酸酸辣辣幾開胃。
豆花咖啡☕️
上碟嘅時候分開咗豆奶同咖啡，可因應咖啡濃度嘅喜好自己調整，豆香味濃，好清甜唔會死甜，咖啡味都好香濃，質感好creamy又不失咖啡香味👍🏻
🍵抹茶鮮奶（熱）
抹茶味香濃，少少苦味帶回甘，與奶味平衡恰到好處，甜度適中，口感Creamy又不會太膩。
整體食物質素高質，雖然款式唔係好多，不過主打菜式做得優質，賣相及味道都與價格相符；環境舒適，有打卡氣氛；服務態度比較被動，不過都明白繁忙時間職員好忙碌，入座，落單，上菜都要等待一段時間。
