Video
Read full review
2017-08-06
146 views
見到網上評價咁高，作為一個漢堡迷，專程試食。晚間六七點去到，初時冇人，後來滿座，生意幾好。間嘢酒吧設計，好細，而且唔會坐得舒服，只係迫同要坐高腳登。點咗一個Signature Double Cheese Burger，配普通薯條同Chocolate Milkshake。埋單198。Burger嚟到，好細，完全冇兩件牛肉嘅感覺，只係厚過M記(巨無霸)果塊少少，差過M記嘅signature burger，好明顯為咗慳成本。食漢堡最緊要件牛有一定厚度，咬落去有口感有肉汁，呢個完全冇，只係好過M記少少。味道嚟講，亦係M記之流，不過價錢差咗六七倍。然後講下個飽。呢度講到話米芝蓮飽咁勁，其實不外如是。首先，個漢堡上枱嘅包裝方法，令到飽身嚴重吸水，而個飽本身極易散開，唔夠韌力，唔知呢個算唔算受得起米芝蓮嘅特色之處。然後，飽面完全冇外脆內軟嘅感覺，同正常貴價漢堡相差甚遠。最後，薯條並非厚切，切法亦同M記一樣。Milkshake亦無出眾之處。結論：M記質素，得個貴字。外國人開店，香港人嘅崇洋心理作祟，自然俾高幾分，但係都要有少少最基本嘅賞味能力ga大佬。相比起美國非常平凡嘅連鎖漢堡店，例如Shake S
點咗一個Signature Double Cheese Burger，配普通薯條同Chocolate Milkshake。埋單198。
Burger嚟到，好細，完全冇兩件牛肉嘅感覺，只係厚過M記(巨無霸)果塊少少，差過M記嘅signature burger，好明顯為咗慳成本。食漢堡最緊要件牛有一定厚度，咬落去有口感有肉汁，呢個完全冇，只係好過M記少少。味道嚟講，亦係M記之流，不過價錢差咗六七倍。
然後講下個飽。呢度講到話米芝蓮飽咁勁，其實不外如是。首先，個漢堡上枱嘅包裝方法，令到飽身嚴重吸水，而個飽本身極易散開，唔夠韌力，唔知呢個算唔算受得起米芝蓮嘅特色之處。然後，飽面完全冇外脆內軟嘅感覺，同正常貴價漢堡相差甚遠。
最後，薯條並非厚切，切法亦同M記一樣。Milkshake亦無出眾之處。
結論：M記質素，得個貴字。外國人開店，香港人嘅崇洋心理作祟，自然俾高幾分，但係都要有少少最基本嘅賞味能力ga大佬。相比起美國非常平凡嘅連鎖漢堡店，例如Shake Shack, Wendy's等，呢間直頭同人比較都冇資格，價錢就貴人哋成倍。總之，大家千祈咪中伏。去到灣仔附近，要食漢堡，就去食Beef & Liberty。呢間完全唔係人哋嗰皮。
Post