Video
Read full review
2006-11-23
15 views
常經過這裡樓下, 見有點吸引, 一天午膳就去試試.午餐包括: 例湯+ 小菜+ 飯+ 甜品, 無另收茶錢, 但有得揀茶.粉葛赤小豆鯪魚塘排湯: 8分, 自稱無味精例湯, 飲落都覺得相當清甜. 鯪魚無乜腥味, 赤小豆好淋, 幾住家的感覺梳乎里梅菜扣肉: 8分, 一大煲上, 勁大的梳乎里在面頭, 入面的嵌不是甜的, 反而是梅菜扣肉. 甜加鹹的組合, 不能說是很匹配, 當然, 世事何曾是絕對, 將一啖梳乎里同一啖梅菜扣肉一差齊擺入口, 尚算特別.梅菜扣肉都幾多肥肉, 一個人食幾係野. 好彩都有唔少菜, 撈梅菜汁食當然正, 撈梳乎里都得.其實而個梳乎里梅菜扣肉就係跟晚市的梳乎里火鍋一樣.花生紫米糖水: 7分, 甜度適中, 但花生紫米份量太多, 糖水少了點, 平衡些更好.第一次食完感覺不俗, 翻炒. 今次五樓爆滿, 上了八樓君寶會. 靜靜地, 都好.紅蘿蔔煲走地雞: 8分, 淡淡的雞味, 配上紅蘿蔔, 依然清甜. 亞姐見我好快飲完一碗, 仲有得添飲.玻璃粉豉油雞: 7分, 熱食的, 玻璃粉沾上豉油, 很入味, 但雞老了點, 肉質麻麻, 靠豉油起死回生.番薯糖水: 7分, 開始轉凍的日子, 來碗番薯
午餐包括: 例湯+ 小菜+ 飯+ 甜品, 無另收茶錢, 但有得揀茶.
粉葛赤小豆鯪魚塘排湯: 8分, 自稱無味精例湯, 飲落都覺得相當清甜. 鯪魚無乜腥味, 赤小豆好淋, 幾住家的感覺
梳乎里梅菜扣肉: 8分, 一大煲上, 勁大的梳乎里在面頭, 入面的嵌不是甜的, 反而是梅菜扣肉. 甜加鹹的組合, 不能說是很匹配, 當然, 世事何曾是絕對, 將一啖梳乎里同一啖梅菜扣肉一差齊擺入口, 尚算特別.
梅菜扣肉都幾多肥肉, 一個人食幾係野. 好彩都有唔少菜, 撈梅菜汁食當然正, 撈梳乎里都得.
其實而個梳乎里梅菜扣肉就係跟晚市的梳乎里火鍋一樣.
花生紫米糖水: 7分, 甜度適中, 但花生紫米份量太多, 糖水少了點, 平衡些更好.
第一次食完感覺不俗, 翻炒. 今次五樓爆滿, 上了八樓君寶會. 靜靜地, 都好.
紅蘿蔔煲走地雞: 8分, 淡淡的雞味, 配上紅蘿蔔, 依然清甜. 亞姐見我好快飲完一碗, 仲有得添飲.
玻璃粉豉油雞: 7分, 熱食的, 玻璃粉沾上豉油, 很入味, 但雞老了點, 肉質麻麻, 靠豉油起死回生.
番薯糖水: 7分, 開始轉凍的日子, 來碗番薯糖水, 相當夠彊, 但番薯好少, 飲水一樣.
芝士蛋糕: 7分, 加$10 要了個芝士蛋糕, 小小的一件, 芝士味不太濃, 清清的, 適合午餐食, 無咁重.
整理食物水準平均, 服務誠懇, 雖不算美味廚亦不遠矣.
Post