Video
Read full review
2011-04-24
65 views
小弟得知ritz carlton的天龍軒開張之後就馬上訂位, 想體驗下響102樓食飯居高臨下的感覺呢度係唔比walk-in的, 就算初時我打電話訂位都要去到一個月後, 但係好好彩23日有2位, request窗口位佢地最後都比到我地坐當日天公很不做美, 大霧非常, 上到去連奧海城都睇得唔清楚講番食物真係好多野揀, 我都係參考之前此網站一位食家的介紹點了好幾道菜加點心桂花蜜椒鱔球(1客6件)呢樣正, 蜜糖味入晒去鱔片度, 初時食第一舊以為佢地細心到同你去晒骨, 但係食食下都係一半有一半無黑魚子燒賣皇(1客4件)始終配蟹黃先係最好食蜜燒黑豚肉叉燒(1客8件)相信係招牌菜, 初時以為8片好少, 但係原來件件都好厚身, 我食叉燒都幾鍾意脆的, 普通的叉燒就係黑色燒的部分, 但係呢個係完全唔而又食到脆身的叉燒, 我同太太兩個食完呢樣都飽大半了, 其實我覺得可以食叉燒腸, 應該都係用西班牙黑豚肉的鮑魚燒鵝酥(1客2件)上面係成隻鮑魚加下面燒鵝肉再用曲奇皮包住食, 絕配迷你鮑魚珍珠雞(1客2件)以為鮑魚又係原隻但係原來係打橫切左一半, 所以一籠兩件係得一隻, 小小笨但係驚喜的係d飯好食之餘完全
呢度係唔比walk-in的, 就算初時我打電話訂位都要去到一個月後, 但係好好彩23日有2位, request窗口位佢地最後都比到我地坐
當日天公很不做美, 大霧非常, 上到去連奧海城都睇得唔清楚
講番食物真係好多野揀, 我都係參考之前此網站一位食家的介紹點了好幾道菜加點心
桂花蜜椒鱔球(1客6件)呢樣正, 蜜糖味入晒去鱔片度, 初時食第一舊以為佢地細心到同你去晒骨, 但係食食下都係一半有一半無
黑魚子燒賣皇(1客4件)始終配蟹黃先係最好食
蜜燒黑豚肉叉燒(1客8件)相信係招牌菜, 初時以為8片好少, 但係原來件件都好厚身, 我食叉燒都幾鍾意脆的, 普通的叉燒就係黑色燒的部分, 但係呢個係完全唔而又食到脆身的叉燒, 我同太太兩個食完呢樣都飽大半了, 其實我覺得可以食叉燒腸, 應該都係用西班牙黑豚肉的
鮑魚燒鵝酥(1客2件)上面係成隻鮑魚加下面燒鵝肉再用曲奇皮包住食, 絕配
迷你鮑魚珍珠雞(1客2件)以為鮑魚又係原隻但係原來係打橫切左一半, 所以一籠兩件係得一隻, 小小笨但係驚喜的係d飯好食之餘完全唔油膩
龍軒東坡肉(1客1件)唔錯, 尤其係冬瓜整到成塊樹葉的樣仲要雕d葉紋上去, 好有心機, 手工滿分
呢樣係適逢easter送的甜品, 兔仔綿花糖加椰汁紅豆糕, 兩樣都味道太淡, 不過送的就不要求太高了 整體黎講其實你話出色到米芝蓮的級數我覺得又未算, 但係以佢的價錢我覺得都物有所值, 食物方面4分吧, 但係佢的service真係perfect, 我全程未試過斟茶, 就算只係飲一dd, 侍應會即刻斟滿比你, 仲成日響我周圍影相拿走條餐巾, 然後返埋位坐的時候, d侍應又好有心機同你鋪番好, 可惜當日太大霧食唔到出面的view, 但係裡面的環境都相當有氣派
Post
