IS Café (Closed)

如心集團旗下有好多酒店，因為工作關係，今日嚟到黃竹坑，呢度附近有一間如心海灣酒店，就決定試一試佢嘅自助餐先。因為係肺炎嘅關係，所以餐廳有自助取餐嘅形式改咗做自助點單，即係自己好似食放題咁，劃紙侍應遞菜。其實呢一個安排都好，感覺比較衛生又安全啲。食自助餐一定唔少得叫佢嘅冷盤，通常冷盤呢個位就睇吓自助餐夠唔夠值回票價啦，呢度嘅冷盤選擇都算係咁。有長腳蟹，凍蝦、藍青口同埋峴，呢一個海鮮拼盤擺得整齊精緻，望到都覺得新鮮。長腳蟹係令人最深刻，啲肉夠晒鮮甜嫩滑，而且食落去夠晒凍，好新鮮。而藍青口同埋蜆都好甜！！除咗海鮮類呢度都有刺身有三文魚、吞拿魚。而我今次就只係點左三文魚，三文魚刺身比想像中出色，厚度適中而且食落新鮮肥美，比一般放題自助餐高質，幾驚喜。呢度凍盤仲有各款沙律、火腿煙肉冷盤、各款芝士配餅、蕎麥麵。我點左一份芝士，有齊三款芝士，味道都可以，不過一份份量都好多呢～另外仲有風乾巴馬火腿配哈蜜瓜，賣相精緻，巴馬火腿有鹹香配甜甜嘅哈密瓜好開胃～熟食方面都有好多選擇。單係蠔都三款；有芝士焗蠔、炸蠔、同埋薑蔥炒蠔！！最正係薑蔥炒號，即叫即炒，上碟嘅時候係食到有鑊氣，而且蠔都幾大隻，一啲都唔重腥味。