IS Café (Closed)

喺黃竹坑返工其實真係冇乜好嘢食 所以決定辭職😂 老闆就請我食Farewell lunch 初頭諗住如心都唔會有啲咩好嘢 點知都有少少意外。佢既lunch 係semi buffet ,可以揀淨係食前菜甜品 唔要main course ,價錢好似係最平嘅。如果其他有埋main course嘅話就要有平有貴. 不過佢選擇都算幾多 有牛扒魚柳魚生飯 。我梗係係揀個最貴嘅牛 佢味道其實都唔差 又擺得幾好 甜品方面都幾多選擇 雪糕蛋糕咩都有啲 不過對海鮮就剩係得蝦 但係$200左右有牛扒食都算係咁。

4星酒店之午市buffet，供應的雪糕還不及放題餐廳/酒家。一般放題餐廳/酒家雖然也會供應雀巢雪糕，但他們還會提供雪條給客人選擇。有些還會供應其他牌子如韓國的雪糕雪條。但是，這間4星酒店沒有movenpick / 哈根大師，也至少供應Dreyer’s吧！但竟然只是雀巢雪糕！？還有選擇只有朱古力 / 雲呢嗱！？真的令人十分失望！

今日時間比較多，於是遊車河去了香港仔。看看錶, 下午茶時間到，在附近有新酒店, 如心南灣海景酒店, 有代客泊車服務, 於是停下來午茶.  尤於是工業區，也可能這酒店餐廳離市中心遠，星期日下午比較少客人.內有餐廳 LIS Café,  於酒店 P3 樓. 看見 High Tea  好吸引, $358/兩位.我們  叫了 High tea, 食物好快到，餐廳位置近大路但欠風景,  裝修有特別設計,   大玻璃窗貼上樹木，望落好似一片森林雪景，好像我們身在加拿大多倫多食物好傳統, 有鹹點:  炸蝦多士, 蟹餅, 黑毛豬火腿配金瓜.甜點:  少不了 鬆餅,  朱古力蛋糕.奶凍, 馬卡龍, 迷你芒果撻.食物可好, 份量 OK,  只可惜奶茶不算好. 餐廳寧靜, 坐得舒適悠閒, 今午在此又渡過一個愉快下午.

來過這間港島南區的酒店餐廳幾次，都是在週末，喜歡它現代清新的佈置，週末在這裏吃brunch，有悠閒放鬆的感覺。 今次在這裏吃半自助午餐，朋友們都選擇只吃自助餐部分，我就加了一個主菜。自助餐主要是沙律和甜品，主打是虎蝦size的大蝦，自助餐水平來說十分優質，色澤光亮，爽彈清甜，十分大隻，這裏的沙律菜一向十分新鮮高質，凍肉有三款，此外還有冷麵，芝士三款熱的菜，中湯和蘑菇湯，幾款麵包，炸春捲和咖哩角等等，款式不算多，但我的朋友說夠吃了，只吃自助餐部分的話是148元，用openrice有八折，性價比不俗。我用50元加了一個鴨脾，鴨的肉質比較實，倒反是伴碟的薯蓉和燒青椒好吃甜品部分有十多款，水準一向不錯，今次吃的兩款芝士餅 朋友都讚口不絕。這酒店在黃竹坑工廠區內，還以為平日午餐 應該是小貓三四隻，但竟然是爆滿的，估不到

見網上食評幾好就嚟試下。搞乜鬼酒店自助餐有咖哩魚蛋！😧 仲要係唔好食!!衰過街邊十蚊一串! 所有食物質素都麻麻！ 一坐低就見到張枱有隻蚊滋喺度爬！ 只有一兩種食物係食得落口， 最好味就係龍蝦三文治，但係個醬撈得超甜，小龍蝦有三粒， 所以我話好味並唔係龍蝦同個酱！ 係個塊麵包！！ 跟住就係嗰兜焗咗一晚都冇人 掂過嘅意粉 ！芝士platter有兩嚿芝士冇人掂過！ 煙三文魚生變咗色…… 甜品檔長期冇人理！😤😤 魚生檔嗰啲魚生尚算食得入口，但係發覺攞魚生畀你嗰隻手，同粉麵檔攞生食物嗰隻手係一樣嘅🤮

因為見到有Dinner Buffet七折優惠，計一計價錢幾抵，而呢排又好想食長腳蟹，見到食評介紹呢間嘅長腳蟹鮮甜，所以就黎左呢到食。一如大家所講，呢到嘅長腳蟹，比起同價位嘅buffet提供嘅長腳蟹，真係鮮甜好多。我一開始去拎嘅時候見到得返比人揀淨嘅幾條蟹腳，以為佢有排先會再refill，有啲傷心。點知原來佢好快好快就refill，仲refill都好密，去到後來大家都食長腳蟹食得好滿足。佢仲有其他海鮮例如青口同蝦，都係比同價位嘅新鮮同鮮甜得多，所以黎呢到食海鮮，真係必定要食海鮮。熟食款式相對唔多，但應該要有嘅都有，例如燒牛排、鴨胸、印度咖哩飯、龍蝦包、炒菜等等，仲有炒龍蝦添！炒龍蝦真係必食，好彈牙好好味。每位食客都可以揀一份花膠扣鵝掌或者半隻蒜蓉焗龍蝦。我揀左蒜蓉焗龍蝦。個人認為呢個龍蝦被蒜蓉蓋過曬所有味，反而比任食嘅炒龍蝦失色。甜品都有好多款，仲有任食嘅haagen dazs雪糕。但我個人認為最好是嘅喺呢張圖入面嘅牛乳奶凍、焦糖燉蛋同埋日式芝士蛋糕。牛乳奶凍唔太甜，啱曬我呢個唔鍾意食太甜嘅甜品嘅港女。我食左三個！奶味超重，好好食。焦糖燉蛋嘅蛋味都好濃郁，好食，我食左兩個。日式芝士蛋糕質

疫情持續咗好長時間，一直都唔敢出去食自助餐，而且好多酒店都暫時咗自助餐😟近排開始緩和，為食嘅男友都忍唔住話要出去覓食下喇🙊今次揀咗香港仔嘅如心南灣海景酒店嘅Lis Cafe😎貪佢最近做緊「花膠龍蝦海鮮盛宴」海鮮無我嘅最愛😍拎埋OpenRice coupon好抵呀🥢海鮮冷盤今次有蟹腳，青口，蝦，蜆，雖然款式唔多但係估唔到係呢個價位可以食到好新鮮嘅海鮮🦞特別推介蟹腳同埋蜆又大隻又新鮮又鮮甜🤩忍唔住食咗兩大round😗🥢熱盤今次嘅主題係龍蝦所以有唔少嘅熱食都用龍蝦做煮食特別推介龍蝦包🦞裏面夾咗鮮甜嘅小龍蝦肉好好味😋其他款式都算幾多，我每樣拎少少都已經食到好飽🤤最欣賞佢熱盤嘅款式唔會好似平時有啲同價位嘅自助餐會好明顯見到係將啲前一晚剩嘅冷盤炒返熟佢就當一味餸😤呢方面值得一讚🤓🥢主食每位客人都可以揀花膠扣鵝掌或者開邊焗龍蝦我比較鍾意花膠扣鵝掌，炆得好琳好入味焗龍蝦就乾身少少一般🥢叫即整檔行到墜入會見到有即叫即煎嘅肉扒檔仲有粉麵檔同埋即炸天婦羅檔，基本配置都齊全🥢甜品呢度幾得意嘅係佢會喺中段時間安排一個師傅出嚟整火焰雪山可以比客人打下卡📷另外雖然佢甜品嘅款式唔多但係每一款甜品都好有心思好好味🤩甜品

被限聚令餓左咁耐，終於等到放寬的一日，可以四人飯聚。約埋另一對相熟的夫婦，一行四人浩浩蕩蕩地享受美食去。我哋揀咗位於香港仔的南灣如心酒店，貪呢度唔算旺區，人流冇咁密集。而且酒店食飯，衛生環境等等都有保障。一入門口已經令人感覺好舒適。入內果然好闊落，環境好舒適。我哋好好彩可以有一個私人嘅獨立空間，可以好放心又舒服咁傾計。酒店防疫措施都做得幾足，每台都有消毒濕紙巾同埋一支全新的搓手液。至於放啲食物的區域，每個取食物嘅人都有帶口罩，令佢更放心。而且每一樣食物都有蓋遮好，感覺上衛生一點。行咗一圈，整體而言，食物的選擇都多元化，各國美食都有。最受大家矚目的海鮮盤，沒有驚艷，但都有齊基本元素。令一邊係廚師即席炮製嘅美食，除咗有日式壽司刺身之外，亦有炸天婦羅同埋燒烤區域。我好鍾意即席做的炸天婦羅，唔會有油膩嘅感覺。飲品的選擇都有好多。有一樣令我印象深刻的是呢度都有唔少地道的特色小食，幾有心思。我最鍾意煮溶化的豬手，而最驚喜就係咖喱特大魚蛋。至於主菜，可以揀花膠扣鵝掌或者開邊焗龍蝦，我同老公就決定一人揀一款，可以試晒兩種滋味。兩樣嘢來講，我比較鍾意花膠，入哂味。最後甜品環節，選擇都頗多，但胃部空間有限

剛剛放寛限聚令 可以四人一枱當然要約三五知己好好相聚一下酒店好貼心咁安排左張獨立房四人枱俾我地等我地可以一邊食一邊同朋友暢所欲言而且每張枱都擺放左一枝酒精搓手液 疫情之下 提供好貼心既服務食物款式不算多 但種類算齊全 沙律 海鮮 熟食 刺身 湯麵 鐵板燒 湯 小食 甜品 水果雖然無生蠔 但海鮮盆都有四款選擇 呢個龍蝦海鮮包 是我其中一個比較欣賞的 賣相已很吸引 加上啖啖龍蝦肉 配上沙律醬另一個我欣賞的 是這個鐵板牛扒 老遠已經俾佢既牛肉香味吸引左過黎成數可以同廚師講 不錯的服務另外 每位客人都可以選擇一份焗龍蝦/花膠扣鵝掌龍蝦厚肉 花繆滋補又煙韌 實在令人難以取捨食完一輪後 到了甜品時間款式有十多款有選擇困難症 最後揀左呢幾款味道都不差 最後 令我驚喜的是有Haagen Dazs 雪糕畫上完滿句號😊

疫情以來，上街食飯變得彌足珍貴，有也只是匆匆食完的簡單餐。難得疫情再次得到緩和，已早早book定枱瘋狂大食一餐！這家Lis cafe ，早已bookmark，因為已包加一$300多的價錢可食足4小時，未食感覺都好抵，難怪縱使二人限聚令，但晚餐是人頭湧湧。首先回本之作當然是海鮮，雖然没有我最愛的生蠔，但長腳蟹、凍蝦、青口、大蜆都非常新鮮，尤其蟹腳，一出即被人掃清，但補貨都好快！凍蝦則鮮甜爽口，青口大大粒，不可錯過的項目。沙律吧有4款現成沙律，如果不合口味，也可自己去沙律吧自由調配。芝士有3款，不算多，但過下口癮也不錯。另一回本之作是刺身，共有四款，大大件放在壽司枱等人order，新鮮肥美。另一邊就是河粉區。熟食選擇更是不少，首推是蒸魚，大大條任人魚肉。麻辣翡翠螺、龍蝦蚶炒翠肉瓜、牛肋肉、蒸蛋、意粉、燒肉、即炸天婦羅、.......數下數下其實有好多野食！我們主打當然是海鮮了，拎到全枱都海鮮，橙紅色的蟹腳、大蝦，吸睛又好食，還有我最愛的煙三文魚、三文魚、吞拿魚，食得不亦樂乎。吃了一輪海鮮便到熟食，牛肋肉和麻辣花螺都好惹味，蝦蚶則啖啖肉！豬腳膠質重，滿滿的骨膠原！蒸蛋嫩滑、還有我的大愛蒸魚，

星期六跟男友 來了LIS Cafe 食自助午餐，原本充滿期望，可惜只有失望，收費23x，卻連普通餐廳d都比吾上。首先講海鮮，沒有生蠔是正常的，可是連蟹腳青口都冇，只有蜆和蝦， 飲品也只有蘋果汁橙汁和咖啡機。 沙律菜算正常，但沒有麵包粒和芝士碎!火腿有2款， 但沒有煙三文魚。。。 刺身有三文魚吞拿魚鯛魚和玉子， 可是不新鮮，刺身部亦長期沒有人切! 壽司有三款但係舊飯完全冇醋味同埋好硬。。。 基本上呢度所有嘢都係冇味，連即煮粉面喇沙湯都冇喇沙味。。。 其他熱食亦都幾差， 海南雞的雞係白烚， 牛柳五花腩都好硬，好難咬。。。 沒有點心食亦沒有牛扒羊肉果d雪糕只有雀巢雲呢拿和朱古力味沒有其他， 生果只有西瓜和蜜瓜.. 其他甜品蛋糕的品種算比較多。。。可能大家都覺得冇嘢食 過咗一個鐘出面已經冇人再攞嘢食。。。 連平時唔食澱粉質嘅男朋友今次都要食蕎麥麵，可惜蕎麥麵嘅汁都係冇味嘅。。。我覺得全場只有一碗忌廉蘑菇湯是正常。。。 完全不值200幾蚊， 當你一餐食四百幾蚊嘅時候絕對值得更好嘅選擇。絕對冇下次