Video
Read full review
2017-05-03
214 views
行行吓旺角見到有人派傳單話七點半前離座只係需要178蚊加一就食到兩個半鐘頭放題啦～咁嘅價錢，緊係要試吓睇吓咩質素啦！四點五十幾分倒上到去見到門外有人已經開始等位，五點準時開門，劃分位置俾我地入去食嘢～坐低嗰陣，侍應提我地飲品同甜品係自助，非常方便，一坐低見到有兩本簿，一本係刺身壽司，另一本係熟食，呢一點幾貼心填好哂紙諗住落單嗰陣，有侍應已經主動過嚟收單，落完單大約過嗰五六分鐘，刺身已經到咗，刺身款類頗多，希靈魚，象拔蚌，大赤蝦都有刺身尚算新鮮，唯一不足係赤貝有少少腥，但還可接受食梗刺身嘅同時壽司都到咗，芒果花之戀不錯，芒果好甜另外火灸壽司亦都燒得啱啱好，芝士鰻魚卷非常好味不得不提嘅～當然仲有任食係任食嘅海膽手卷啦，雖然係手卷，但呢間鋪頭特登整到細細舊，可以留返多啲位食多幾件，俾海膽亦都唔太孤寒，有兩片倒啦，海膽鮮甜而小食方面，泰式生蝦個汁係主角，食得出唔係現成醬汁，夠哂酸辣熟食都好～多選擇，講吓唔同食物嘅感受先，聽講呢到出名好食嘅係芝麻雞翼，果然冇講錯！雞翼新鮮炸起，外脆內嫩，非常好食炒牛肉粒同蒲燒鰻魚亦都係唔錯嘅選擇，牛肉粒夠牛味加埋蒜片幾好食，鰻魚其中一兩條雖有細骨但有味道搭救而串
四點五十幾分倒上到去見到門外有人已經開始等位，五點準時開門，劃分位置俾我地入去食嘢～
坐低嗰陣，侍應提我地飲品同甜品係自助，非常方便，一坐低見到有兩本簿，一本係刺身壽司，另一本係熟食，呢一點幾貼心
填好哂紙諗住落單嗰陣，有侍應已經主動過嚟收單，落完單大約過嗰五六分鐘，刺身已經到咗，刺身款類頗多，希靈魚，象拔蚌，大赤蝦都有
刺身尚算新鮮，唯一不足係赤貝有少少腥，但還可接受
食梗刺身嘅同時壽司都到咗，芒果花之戀不錯，芒果好甜另外火灸壽司亦都燒得啱啱好，芝士鰻魚卷非常好味
不得不提嘅～當然仲有任食係任食嘅海膽手卷啦，雖然係手卷，但呢間鋪頭特登整到細細舊，可以留返多啲位食多幾件，俾海膽亦都唔太孤寒，有兩片倒啦，海膽鮮甜
而小食方面，泰式生蝦個汁係主角，食得出唔係現成醬汁，夠哂酸辣
熟食都好～多選擇，講吓唔同食物嘅感受先，聽講呢到出名好食嘅係芝麻雞翼，果然冇講錯！雞翼新鮮炸起，外脆內嫩，非常好食炒牛肉粒同蒲燒鰻魚亦都係唔錯嘅選擇，牛肉粒夠牛味加埋蒜片幾好食，鰻魚其中一兩條雖有細骨但有味道搭救
而串燒方面等得就比較耐少少，但慢工出細貨～鹽燒海蝦蝦肉爽口之餘亦鮮甜而牛舌都好夠味，唔錯！
飽肚之選仲有鰻魚炒飯，有啲油但好好食亦都唔好太大碟可以留返胃口食甜品～食完出面嘅西餅之後仲可以點雪糕
雪糕有得揀係哈根大師定M牌雪糕
覺得太膩嘅仲有西瓜同橙食吓添，兩者都夠甜
食雪糕嘅同時大約六點半倒有個侍應就咗過嚟叫我地埋單，順便提埋我地半個鐘之後有Last order ，俾我地有充足嘅時間落單，幾細心
總括而言，呢次放題絕對物超所值，鐘意任點任食，捧住個肚走嘅可以試吓呢間
((掛住食冇影到相，唔好意思🙈
Post